حیدرکی کہیں جعفرطیارکی خوشبو ۔ بلال رشید

حیدرکی کہیں جعفرطیارکی خوشبو
تھی سیرت قاسم میں علمدار کی خوشبو
گفتار میں شبیرکی شوکت تھی نمایاں
تھی فقر میں شبر سے حیادارکی خوشبو
ہے آج یہاں تزکرہ پھر ابن حسن کا
محسوس ہوئی ہے مجھے سرکار کی خوشبو
فروہ کے پسر زینب و کلثوم کے پیارے
ہے تجھ میں رچی سید ابرار کی خوشبو
صدقہ ہے یہ قاسم کی جوانی کا بلاشک
باقی جو رہی عابد بیمار کی خوشبو
لاشہ ترا چنتے ہوئے شبیر نے بولا
آتی ہے مجھے بھائی کی دستار کی خوشبو
مجلس میں بلال آپ بھی بیٹھے ہو کہیں پر
آتی ہے یہاں آپ کے اشعار کے خوشبو
سو جان سے نوکر ہے بلال آپ کا مولا
اے دین پیمبر کے مددگار کی خوشبو
بلال رشید,​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین