حکایت سعدیؒ ، بادشاہ اور پہرے دار

حکایت سعدیؒ ، بادشاہ اور پہرے دار

ایک بادشاہ سخت سردی کی ایک رات میں کسی پہرے دار کے پاس سے گزرا جو سردی کی وجہ سے بہت زیادہ کپکپا رہا تھا ۔ بادشاہ نے رحم کرتے ہو اپنی پوستین کی قبا اس کو دینے کا ارادہ کیا اور کہا ذرا انتظار کر میں اتار کر بھیجتا ہوں۔ بادشاہ محل میں گھس گیا اور ایسا مگن ہواکہ چوکیداربے چارے کو بھول ہی گیا۔ چوکیدار نے قبائے پوستینی کا ذکر کان سے سن تو لیا مگر بدنصیب کے کندھے پہ قبا نہ آ سکی۔ پہلے صرف سردی کی تکلیف تھی اب ساتھ قبا کے انتظار کا عذاب۔ بادشاہ صبح اٹھا تو ایک درباری نے کہا! اے بادشاہ شاید آپ محل کی رنگینیوں میں مبتلا ہو کر اس بدنصیب چوکیدار کو بھول گئے۔ تیری رات تو خوب گزری ہوگی مگر اس کی رات کیسے گزری یہ وہی جانتا ہے۔ جس قافلہ سالار کو سب کچھ میسر ہو اسے ریگستان کے بھولے ہوئے مسافر کی تکلیف کا کیا اندازہ؟ اے دریا میں کشتی کا کھیل کھیلنے والے ذرا رک جا اور ڈوبنے والوں کو بچا کر لے جا (تاکہ تیرا شوق بھی پورا ہو جائے اور ان بے چاروں کی جان بھی بچ جائے ) اے چست و چالاک جو ان ذرا آہستہ چل کہ قافلے میں سست بوڑھے بھی ہیں۔ توتو قافلے کے اندر آرام فرما ہے اور اونٹ کی مہار تو شتر بان کے ہاتھ میں ہے تجھے کیا؟ جو اپنے گھر میں خوشدلی سے سو رہا ہے وہ اس کا غم کیا جانے جو بے چارہ خالی پیٹ بھوکا رو رہا ہے۔ اس حکایت سے سبق ملتا ہے کہ خوشحال لوگوں کو چاہیے کہ تنگدست اور کمزوروں کا بھی خیال رکھیں اور ان کے دکھ درد میں شریک ہوں۔ اپنی عیش پرستی میں پڑ کر ان کو بھلا دینا انسانیت نہیں۔ ہیں لوگ وہی جہاں میں اچھے آتے ہیں جو کام دوسروں کے​

 

زبردست بہت بہت شکریہ

 

پسند اور رائے کا شکریہ