حمد

ہر شے میں نظر آتے ہیں رحمٰن کے جلوے
خلوت ہو کہ جلوت ملیں وجدان کے جلوے
..........................................................
حکمت بڑی پوشیدہ ہے احکام میں تیرے
رمضان میں دیکھے ترے فرمان کے جلوے
........................................................
بخشے گا گناہوں کو ندامت جو دکھا دوں
امید دلاتے ہیں تری شان کے جلوے
.........................................................
پڑھتا ہوں کبھی غور سے احکام جو تیرے
حیرت میں ڈبو دیتے ہیں قرآن کے جلوے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منعم کو بناتے ہیں ترا اور بھی شاکر
کیا خوب بھلے ہیں ترے رمضان کے جلوے
.........................................................
چوکھٹ پہ تری جب بھی رکھوں سجدے میں سر تو
اٹھنے نہیں دیتے تری پہچان کے جلوے
..........................................................
احمد علی
​