حمد کے نغمات ہوں کچھ پھر عطا ۔ بلال رشید

حمد کے نغمات ہوں کچھ پھر عطا
پرضیا جذبات ہوں کچھ پھر عطا

حمد کہنے کا سبب بن جائیں جو
ایسے احساسات ہوں کچھ پھرعطا

جن میں ہو جاؤں میں مصروف ثنا
وہ حسیں لمحات ہوں کچھ پھر عطا

جو گزشتہ حمد میں حاصل رہیں
ایسی ہی برکات ہوں کچھ پھرعطا

حمد کا مضمون ہو جن سے وسیع
ایسی معلومات ہوں کچھ پھر عطا

حمد لکھوں جن میں ہو کر پر سکوں
گھر میں وہ حالات ہوں کچھ پھرعطا

جو در مولا پہ لے جائیں بلال
ایسے امکانات ہوں کچھ پھر عطا
----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین