حمد ِ باری ہے سخن کی انتہا ۔ بلال رشید

حمد ِ باری ہے سخن کی انتہا
کون کر سکتا ہے حق اس کا ادا
دیکھئے اللہ خود قرآن میں
حمد سے ہی کررہا ہے ابتدا
چاند تارے اور سورج با ادب
حَمدِ باری کرتے ہیں صبح و مسا
حَمد کی صورت میں اے اہلِ یقیں
شکر کیجے نعمتیں پا کر ادا
اُس سے ہی امداد کا طالب ہُوں میں
ہے وہی میرا اَزل سے آسرا
نَو بہ نَو میں حَمد جو کہتا ہُوں آج
فَضل ہے یہ مُجھ پہ اُس کا ماورا
عین ممکن ہے اسی کے فیض سے
بخش دے محشر میں مجھ کو کبریا
مُنفرد پائے گا عِزت حَشر میں
حَمد کا شاعر بِلالِ حَق نَوا
----
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین