حمد رب دو جہاں کرتے رہو ۔ بلال رشید

حمد رب دو جہاں کرتے رہو
یوں لحد کو ضوفشاں کرتے رہو
بزم ہستی کا جو پالن ہار ہے
اس کی عظمت کو بیاں کرتے رہو
لکھ کے حمدیں نو بہ نو دیوان کو
عشق حق کا گلستاں کرتے رہو
مومنو افکار کو اپنے سدا
انبیا کا ترجماں کرتے رہو
عشق حق میں لکھ گئے جو انبیا
پھر رقم وہ داستاں کرتے رہو
علم و استدلال سے دارین میں
وحدت حق کا بیاں کرتے رہو
جس بھی محفل میں بیاں ہو شرک کا
اس سے نفرت کو بیاں کرتے رہو
شرک کی جانب بلائے جب کوئی
برملا تم اس کو ناں کرتے رہو
دین کی خاطر اٹھا کر سختیاں
خود پہ رب کو مہرباں کرتے رہو
شرک سے اظہار نفرت برملا
اے بلال ناتواں کرتے رہو
------
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین