حمدِ ربِ ذوالجلال

​

حمدِ ربِ ذوالجلال

ذکر کرتی رہے زباں تیرا
لب پہ ہر دم رہے بیاں تیرا

گرچہ تیرا نشان کوئی نہیں
ہے مگر ہر جگہ نشاں تیرا

تیری قدرت سے کچھ نہیں باہر
ہے مکاں تیرا ، لامکاں تیرا

رہنما تُو ہی ہر سفر میں ہے
منزلیں تیری ، کارواں تیرا

میری معراج ہے فقط اِس میں
ہو جبیں میری ، آستاں تیرا

تیری جانب سے خیر و شر کا وجود
ہر یقیں تیرا ، ہر گماں تیرا

(اشرف نقوی)

 

گرچہ تیرا نشان کوئی نہیں
ہے مگر ہر جگہ نشاں تیرا​

سبحان اللہ!

 

بہت خوب۔ ماشاء اللہ پیارا کلام ہے