حضرت ابو بکر صدیق رضی اللہ تعالیٰ عنہ

سرکار مدینہ ، راحت قلب و سینہ صلی اللہ تعالی علیہ و سلم نے ارشاد فرمایا : ـ

بےشک اللہ عزوجل کے تین سو اخلاق ہیں ، جو شخص توحید پر ہوتے ہوئے ، ان میں سے ایک خلق کے ساتھ اللہ عزوجل سے ملاقات کرے گا وہ داخل جنت ہوگا ـ امیر المومنین حضرت سیدنا ابوبکر صدیق رضی اللہ تعالی عنہ نے عرض کی : کیا ان میں سے کوئی خلق مجھ میں بھی ہے ؟ تو آپ صلی اللہ تعالی علیہ و سلم نے ارشاد فرمایا : ـ

کلھا فیک یا ابابکر و احبھا الی اللہ تعالی السخاء ـ

ترجمہ : ـ اے ابوبکر ! وہ تمام اخلاق تم میں پائے جاتے ہیں اور ان میں سے سب سے زیادہ پسندیدہ خلق سخاوت ہے ـ



( مکارم الاخلاق لابن ابی الدنیا ، الحدیث : 29 ، ص 34 - 35 )



حضور نبی کریم ، رءوف رحیم صلی اللہ تعالی علیہ و سلم کا فرمان ذی وقار ہے : ـ

میں نے ایک ترازو دیکھا جو آسمان سے لٹکایا گیا ، اس کے ایک پلڑے میں مجھے اور دوسرے پلڑے میں میری امت کو رکھا گیا تو میرا پلڑا بھاری ہو گیا پھر ایک پلڑے میں میری امت کو اور دوسرے پلڑے میں ابوبکر صدیق رضی اللہ تعالی عنہ کو رکھا گیا تو ابوبکر صدیق رضی اللہ تعالی عنہ کا پلڑا بھاری ہو گیا ـ



( المسند للامام احمد بن حنبل ، حدیث ابی بکرۃ نفیع بن الحارث بن کلدۃ ، الحدیث : 29528 ، ج 7 ، ص 332 - 333 )

( المسند للامام احمد بن حنبل ، حدیث ابی امامۃ الباھلی ، الحدیث 22295 ، ج 8 ، ص

 

جواب: حضرت ابو بکر صدیق رضی اللہ تعالیٰ عنہ

حضرت ابوبکر صدیق رضی اللہ عنہ چند چادریں شانے پر ڈالے ہوئے انہیں فروخت کرنے جارہے تھے کہ راستے میں حضرت عمر فاروق رضی اللہ عنہ نے انہیں دیکھا تو آواز دی "یا اخی! کہاں جارہے ہو؟" جواب ملا "بازار"۔ حضرت عمر رضی اللہ عنہ بولے "مگر صدیق رضی اللہ عنہ ! آپ تو خلیفہ ہیں، اگر آپ تجارت میں لگے رہے تو خلافت کا کام کیسے چلے گا ؟" حضرت ابوبکر صدیق رضی اللہ عنہ رک گئے اور فرمایا "یہ تو درست ہے لیکن اگر ہم تجارت نہ کریں تو اپنے اہل و عیال کا پیٹ کیسے بھریں گے ؟" حضرت عمر رضی اللہ عنہ نے رائے دی کہ آئیے ابوعبیدہ رضی اللہ عنہ کے پاس چلتے ہیں ، انہیں حبیب اللہ صلی اللہ علیہ وسلم نے بیت المال کا امین مقرر کیا تھا ، ان سے مشورہ لیتے ہیں۔ دونوں حضرت ابوعبیدہ رضی اللہ عنہ کے پاس پہنچے ، انہوں نے پورا ماجرہ سنایا تو حضرت ابوبکر صدیق رضی اللہ عنہ کیلئے بیت المال سے کچھ وظیفہ مقرر کردیا جو اتنا ہی تھا جتنا ایک عام آدمی کو ملتا تھا اور اس میں صرف انتہائی ضروری اخراجات پورے ہوسکتے تھے۔

ایک روز حضرت ابوبکر صدیق رضی اللہ عنہ نے اپنی اہلیہ سے کوئی میٹھی چیز پکانے کیلئے کہا ۔ وظیفے کی محدود رقم میں ایسا ممکن نہیں تھا لہٰذا ان کی اہلیہ محترمہ نے روزانہ کے خرچ میں سے تھوڑی تھوڑی سی بچت شروع کردی اور جب مطلوبہ رقم جمع ہوگئی تو حضرت ابوبکر صدیق رضی اللہ عنہ کو بتایا کہ اب اتنی رقم جمع ہوچکی ہے کہ کوئی میٹھی چیز پکائی جاسکے ۔ حضرت ابوبکر صدیق رضی اللہ عنہ کے چہرے پر یہ سن کر تشویش ابھری اور انہوں نے کہا "اس کا مطلب یہ ہے کہ وظیفہ ہماری ضرورت سے زیادہ ہے" اتنا کہہ کہ آپ نے اہلیہ سے وہ رقم لی اور بیت المال میں جمع کرادی، نیز یہ ہدایت بھی کی کہ آئندہ انہیں اتنی رقم کم دی جائے۔

 

جواب: حضرت ابو بکر صدیق رضی اللہ تعالیٰ عنہ

جزا ک اللہ الخیر