حشر میں رسوا نہ کر خیرالورا کے سامنے ۔ ڈاکٹر کاشف بریلوی

حشر میں رسوا نہ کر خیرالورا کے سامنے
یا الہی لاج رکھ لے مصطفے کے سامنے

مصطفے کے نام سے روشن ہوا ہو جو چراغ
بے خطر وہ جلتا رہتا ہے ہوا کے سامنے

ماہ و انجم ، لالہ و گل کے قصیدے چھوڑیے
کائنات حسن کیا ہے ؟ مصطفے کے سامنے

گر نہ ہوتے شافع روز جزا اپنے نبی
کون کرتا پیروی اپنی خدا کے سامنے

دو گھڑی ٹھہرو نکیرو وہ ابھی آنے کو ہیں
تم جو چاہو پوچھ لینا مصطفے کے سامنے

شان دربار رسالت کیسے ہو کاشف بیان
سر نگوں شاہی بھی ہے انکے گدا کے سامنے

از۔۔۔۔ڈاکٹر کاشف بریلوی​

 

اللہ تعالیٰ آپ کو بھی جزائے خیر عطا کرے آمین