حاجن خوشی جی کا تعارف

واہ کسی نے ہمارا بھی تعارف پوچھا ورنہ ہر کوئی اپنا ہی تعارف کروانے کے چکر میں ملتا ہے۔ تم جانتی نہیں میں کون ہوں۔تم کو پتہ نہیں میرا ابا ڈی ایس پی ہے، میرا بھائی وزیر ہے۔چاہے وہ خود فقیر ہی کیوں نہ ہو۔

خیر تمہید اس امر کی کافی لمبی چوڑی ہے مگر اسے مختصر صرف اتنا ہی عرض کرنا چاہوں گی کہ پہلی فرصت میں اپنا شجرہ تعارف لکھ کر اپنا تعارف لکھنے کا شوق پورا کرنے اور مقام فخر حاصل کرنے کی کوشش کروں گی کہ مجھ سے کسی نے از خود تعارف پوچھا اور میں نے اپنا تعارف کروایا کسی کو بے بس و بے خود ہو کر تعارف نہیں کروانا پڑا۔

 

1- پورا نام؟ اور کس نے رکھا؟
پورا نام تو خوشبخت ہے بی بی ساتھ دم چھلا لگا لیں کیونکہ شناختی کارڈ کی لائن میں کھڑے ہو کر جو آواز سننے کو ملتی ہے وہ یہی ہوتی ہے خوشبخت بی بی کون ہے۔ اب یہ رکھا کس نے اس کی مجھے بھی تلاش ہے امی سے پوچھو تو کہتی ہیں شاید تمہارے ابا نے رکھا ہو گا یا ان کے کسی رشتے دار نے ارے ہاں یاد آیا تمہاری پھوپھو بھی آئی تھیں اور کہہ رہی تھیں نام میں رکھوں گی۔ ابا سے پوچھو تو کہتے ہیں میں تو نام رکھتا تو پری، شہزادی وغیرہ رکھتا ہے مجھے تو تمہاری اماں کے کسی رشتہ دار کی سازش لگتی ہے اب میں ڈھونڈ رہی ہوں کہ یہ سازش کی کس نے۔ آپ سب بھی ادھر ادھر دیکھو اگر کوئی ملے تو بتانا۔۔۔۔۔۔

2- لقب؟ اور کیوں رکھا گیا؟

لقب حاجن ہے یہ اس طرح پڑا کہ مجھے دوسروں کے معاملات میں ٹانگ اڑانے کی عادت تھی ایک بار ساتھ والے گھر میں کچھ لڑائی چل رہی تھی کسی لڑکی لڑکے کے پیار محبت کا معاملہ تھا میں نے جا کر کہہ دیا کہ اگر لڑکے کا قصور ہے تو آپ کی لڑکی کا بھی برابر کا قصور ہے دونوں کو سزا سناتے ہوئے ان کی شادی کا اعلان کر دیں۔ بس لڑکی کی اماں طیش میں آ گئیں اور بولیں تو چُپ کر نی وڈی آئی حاجن۔ بس پھر کیا تھا میں نے بھی تہیہ کر لیا کہ اب حاجن بن کر دکھاؤں گی اور ویسے بھی بغیر حج کئے حاجن بن رہی تھی اور باہر بھی نام کا اچھا اثر پڑ سکتا تھا کہ یہ تو ایسی ویسی بات کر ہی نہیں سکتی حاجن ہے اور ہمارے معاشرے میں حاجی حاجن چاہے گلے پہ چھری چلا دیں لوگ اف تک نہیں کرتے۔ تب سے اب تک حاجن کے پیچھے چھپ کر اپنا ٹانگ اڑانے کا شوق پورا کر رہی ہو۔ گھر والوں سے بھی کہہ دیا ہے کہ حاجن کہہ کر آواز دیا کریں خالی خوشی کہنے سے مجھے خوشی نہیں ہوتی۔
باقی اگلی فرصت میں۔۔۔۔۔۔

 

تعارف تعارف ہی ہوتا ہے ڈراؤنا نہیں ہوتا بندے کے ارادے یا نیت ڈراؤنی ہوتی ہے۔ اور پٹاری میں سے سانپ ہی نکلتا ہے چاہے وہ اصلی ہو یا ربڑ کا۔۔۔

 

جی جی کیونکہ ڈر کے آگے ہی جیت ہے۔

 

جب کچھ کر ڈالا جائے تو پھر چاہے وہ غلطی ہو یا کارنامہ پیچھے مڑ کر دیکھنے کی بجائے آگے کو منہ رکھیں کیونکہ ہو سکتا ہے دونوں صورتوں میں بھاگنا پڑے اور پیچھے دیکھ کر بھاگنے سے بندہ کسی چیز سے ٹکرا کر گر بھی سکتا ہے۔

 

جو ہو گیا اس کا ازالہ نہیں ہو سکتا اب بس صبر کی تلقین کریں۔

 

اب کیا سوچیں کیا ہونا ہے
جو ہو گا اچھا ہو گا۔۔۔۔

 

نا بول کے آپ نے خود کو صنف نازک کی شک والی لسٹ سے نکالوا لیا۔

 

پہلے کون کون سے دن دیکھ چُکے ہیں

 

لگتا ہے ٹانگ اڑانے کے معاملے میں آپ بھی خود کفیل واقع ہوئی ہیں تبھی اتنی زیادہ معلومات رکھتی ہیں اور حاجن نام پڑ جائے تو سمجھو حج پہ حج کر لئے چاہے گھر سے آگے والا سٹاپ بھی پتہ نہ ہو۔

سٹار پلس دیکھ دیکھ کر اب تو قسطوں کی عادت ہو گئی ہے اور عادت پختہ ہو جائے تو دوسروں کو اس کے ساتھ کمپرومائز کرنا ہی پڑتا ہے۔

 

پاکستان میں اب کوئی کان میں پھسپھسائے بھی تو ایسا لگتا ہے کہ کہیں 1000 کے جی کا دھماکہ ہو گیا ہو۔ دھماکے سُن سُن کر کان بجنے لگے ہیں آپ بھی اپنا چیک اپ کروا لیں۔

 

جی تو تعارف کو آگے بڑھاتے ہیں۔

3- عمر؟ (لڑکیوں کو غلط بیانی کی اجازت ہے۔)
عمر کے الجبرا کے جدول کو یاد کرنے میں دیگر لڑکیوں کی طرح میں بھی خاصی نکمی ثابت ہوئی ہوں بس اتنا یاد ہے کہ سولہویں (16) سالگرہ پانچویں (5) مرتبہ منا رہی ہوں اور اگلے 5، 6 سال تک شاید خود پر جبر کر کے عمر کے الجبرا کا جدول یاد کر سکوں تب تک آپ لوگ مجھے 16 کی ہی سمجھیں۔

4- شہر، ملک؟ (کب سے یہاں ہیں؟)

شہر لاہور ہے زندہ دلوں کا شہر جس میں اب زندہ لوگ تو کم ملتے ہیں اور دل والے تو بہت ہی کم ہو گئے ہیں کیونکہ یہاں دل پھینک قسم کا رواج جڑ پکڑ رہا ہے لڑکیوں کے ہر سکول کالج کے باہر دل پھینکنے کے مظاہرے عام ملتے ہیں۔ اور ملک پیارا پاکستان کہ جسے سیاستدانوں نے دہشت گردوں کی مکمل سپورٹ کے ساتھ مسائلستان بنا دیا ہے اگر دہشت گرد کسی دن چھٹی کرتے ہیں تو حکومت اس دن عوام کو یاد دلا دیتی ہے کہ آرام سے بیٹھنے کا لمحہ ابھی نہیں آیا۔

 

کوئی بات نہیں ہم بھی مشہور ہیں دیکھنے دکھانے میں۔

 

واہ عمر تو ۱۶ ہی ہے راتوں کے علاوہ ‎;-)‎

 

ہائے ربا! پھوپھو ہی کہہ دیا ابھی تو میں آپ کی اوتار والی تصویر والی کیوٹ سی منی کی عمر کی ہوں بس ذرا قد لمبا ہونے کی وجہ سے بڑی عمر کی لگتی ہوں۔ آپ مجھے چھوٹی بہن کہہ سکتے ہیں یا اگر انکل ہیں تو گڑیا یا بِٹیا کہہ سکتے ہیں۔ اور شک کرنے سے کسی کو بھلا کیا ملتا ہے مگر پھر بھی شک کرتے ہیں یعنی خوامخواہ اور اسی خوامخواہ کے دائرے میں آپ بھی پھنس سکتے ہیں۔

 

وہ کیا ہے نا مجھے آج کل کچھ مصروفیت نے تنگ کیا ہوا ہے سارا دن سونا اور پھر 3 وقت کھانا کھانا۔ پھر سونا اور سونے اور کھانا کھانے کے درمیان وقت ہی اتنا کم ملتا ہے کہ بڑی مشکل سے دو چار جملے لکھ پاتی ہوں جب کچھ زیادہ وقت ملا تو زیادہ لکھا کروں گی۔

 

آپ بے شک دن بھی نکال دیں رہوں گی میں 16 کی ہی اگلے 16 سال تک۔