جیول آف مدینہ

حضرت عائشہ پر ناول کی اشاعت منسوخ




امریکی ناشر رینڈم ہاؤس نے مسلمانوں کی جانب سے سخت ردعمل کے پیشِ نظر پیغمبرِ اسلام صلی اللہ علیہ وسلم کی اہلیہ کے بارے میں لکھا جانے والےناول کی اشاعت منسوخ کر دی ہے۔

’جیول آف مدینہ‘ نامی یہ ناول صحافی اور ناول نگار شیری جونز نے لکھا ہے اور اس کا موضوع حضرت عائشہ کی زندگی ہے۔اسے بارہ اگست کو بازار میں فروخت کے لیے پیش کیا جانا تھا تاہم اب رینڈم ہاؤس کا کہنا ہے کہ انہیں مشورہ دیا گیا ہے کہ ’یہ کتاب کچھ مسلمانوں کے لیے اشتعال انگیز ثابت ہو سکتی ہے اور یہ کچھ ریڈیکل گروپوں کو تشدد پر بھڑکا سکتی ہے‘۔رینڈم ہاؤس کے نائب ناشر پیری نے ایک بیان میں کہا ہے کہ ’ہم نے اس ناول کی چھپائی کو غیر معینہ مدت کے لیے ملتوی کر دیا ہے اور یہ فیصلہ، مصنفہ، رینڈم ہاؤس کے ملازمین اور ناول کی تقسیم اور فروخت سے متعلق تمام افراد کی حفاظت کو مدِ نظر رکھتے ہوئے کیا گیا ہے‘۔

رینڈم ہاؤس کے مطابق ناول کی مصنفہ اس کی اشاعت کے لیے کسی دیگر ناشر سے رجوع کر سکتی ہیں۔ناول کی مصنفہ شیری جونز کا کہنا ہے کہ جب مئی میں انہیں اس بات کا پتہ چلا کہ ان کی تصنیف کی اشاعت ملتوی کی جا رہی ہے تو وہ دنگ رہ گئیں۔

خیال رہے کہ ناول کی مصنفہ شیری جونز نے کبھی مشرقِ وسطٰی کا دورہ نہیں کیا ہے تاہم وہ چند برس عرب تاریخ کی طالبعلم رہی ہیں اور ان کا کہنا ہے کہ یہ ناول ان سب چیزوں کا نچوڑ ہے جو انہوں نے سیکھی ہیں۔

 

شیئر (اس کی اردو کیاہو سکتی ہے؟) کرنے کا شکریہ

 

شیئر کی اردو تو تقسیم کرنا ہی ہوگی تاہم آپ کہہ سکتے ہیں کہ مطلع کرنے کا شکریہ یا آگاہ کرنے کا شکریہ وغیرہ

آپ کا بھی شکریہ عرفان بھائی