جیتے ہیں لوگ کیسے اک آدمی سے ڈر کر---برائے اصلاح

شکیل احمد خان
سعید احمد سعدی
------------
جیتے ہیں لوگ کیسے اک آدمی سے ڈر کر
سہتے ہیں ظلم اس کے کس بے بسی سے ڈر کر
------------
دنیا میں جرم اکثر ہوتے ہیں رات کو ہی
دن میں چھپائیں پاپی منہ روشنی سے ڈر کر
----------
رازق وہ ایک رب ہے جو پالتا ہے سب کو
راہِ خدا نہ چھوڑو یوں مفلسی سے ڈر کر
-------------یا
اولاد کی نہ جاں لو تم مفلسی سے ڈر کر
-----------
آساں نہیں ہے لیکن پڑتا ہے پھر بھی جینا
بھاگو نہ زندگی سے یوں زندگی سے ڈر کر
---------------
پھیلے گا علم کیسے اِن سختیوں سے اُس کی
سہمے رہیں گے بچے جب مولوی سے ڈر کر
--------------
ظالم کا ہاتھ روکو گر چاہتے ہو جینا
کب تک جیو گے اس کی یوں دشمنی سے ڈر کر
-------------
ملتے تھے دوست بن کر پر دشمنی تھی دل میں
چھوڑا ہے دوستوں کو اس دوستی سے ڈر کر
---------
نرمی سے پاس تیرے آئیں گے لوگ ارشد
جو دور ہو گئے تیری بے رخی سے ڈر کر
-------------

 

۔۔۔۔۔۔۔۔۔۔۔۔۔۔۔۔۔۔۔۔۔۔۔
سہتے ہیں ظلم اُس کے کس بے بسی سے ڈر کر

 

رازق وہ ایک ر ب ہے جو پالتا ہے سب کو
اولاد کی نہ جاں لو تم مفلسی سے ڈر کر

 

۔۔۔۔۔۔۔۔۔۔۔۔۔۔۔۔۔۔۔۔۔۔۔
دن میں چھپائیں مجرم منہ روشنی سے ڈر کر۔۔۔۔۔۔۔۔۔۔۔۔یا۔۔دن میں چھپائیں پاپی منہ روشنی سے ڈر کر

 

شکریہ خان بھائی بہت اچھے مشورے ہیں اور میں نے تدوین کر دی---دن میں چھپائیں مجرم منہ روشنی سے ڈر کر ---یہ مصرع پسند ہونے کے باوجود شامل نہ کر سکا عیبِ تنافر کی بنا پر (مجرم منہ ) میم کا اتصال ہے

 

جیسا کہ استادِ گرامی قدر نے نکتہ اُٹھایا کہ آپ کو واضح کرنا چاہیے؛ لوگ کس قسم کے آدمی سے ڈر کر( اور اُس کی ظالمانہ روش
کے سامنے بے بسی سے گھٹ گھٹ کر) جینے پر مجبور ہیں؟
تو میرے خیال میں یہ اعتراض یوں رفع کیا جاسکتا ہے:
جیتے ہیں لوگ کیسے۔ خر۔ آدمی سے ڈر کر
سہتے ہیں ظلم اُس کے کس بے بسی سے ڈر کر
لفظ خر کے مفاہیم میں ایک مفہوم ۔۔۔۔سب سے خراب۔۔۔۔بھی ہے اور اگر یہ دورازکار مفہوم ہوتو اِسے براہِ راست یوں
کردینا چاہیے:
جیتے ہیں لوگ کیسے بد آدمی سے ڈر کر
۔۔۔۔۔۔۔۔۔۔۔۔۔۔۔۔۔۔۔۔۔