جٹیاں پنجاب دیاں

جٹیاں پنجاب دیاں ڈاڈھیاں سکھالیاں
کناں وچ ڈنڈیاں تے سونے دیاں والیاں

دھمی ویلے چاٹی وچ، گونجن مدھانیاں
روپ نال رجیاں پنجاب دیاں رانیاں
مکی دیاں روٹیاں تے سونے دیاں والیاں
جٹیاں پنجاب دیاں ڈاڈھیاں سکھالیاں
کناں وچ ڈنڈیاں تے سونے دیاں والیاں

مکھناں دے پیڑیاں وچ گنھ گنھ چوریاں
ہاسیاں وچ رنگیاں نے بلھیاں سندھوریاں
انگ انگ لالیاں تے سچیاں وچ ڈھالیاں
جٹیاں پنجاب دیاں ڈاڈھیاں سکھالیاں
کناں وچ ڈنڈیاں تے سونے دیاں والیاں

ویہڑے وچ گبھرو دا پلنگ نواری اے
چند نالوں گوری کول بیٹھی سرداری اے
دوہاں دیاں جان نہ جوانیاں سمبھالیاں
جٹیاں پنجاب دیاں ڈاڈھیاں سکھالیاں
کناں وچ ڈنڈیاں تے سونے دیاں والیاں

کڈا رنگ لایا سوہنی ہکّ دی ہمیل نے
چند تے ستارے چاڑھے ویل اتے ویل نے
'نورپری' دودھ تے ملائیاں نال پالیاں
جٹیاں پنجاب دیاں ڈاڈھیاں سکھالیاں
کناں وچ ڈنڈیاں تے سونے دیاں والیاں

 

سوہنا گیت اے جناب
ہسدے وسدے رہو

 

واہ جی واہ


دل خوش ہوگیا

 

جزاک اللہ ملک صاحب
شاد و آباد رہیں

 

جزاک اللہ ھارون بھائی جی
سلامت رہیں