جو دل حبیبﷺ خدا کا بنا ٹھکانا ہے ۔۔ غلام مصطفٰی امجد بہاری

جو دل حبیبﷺ خدا کا بنا ٹھکانا ہے
اسی کے زیر قدم دوستو زمانہ ہے

صحابہ عشق رسالتﷺ میں تھے یہی کہتے
قسم خدا کی یہ جینے کا اک بہانہ ہے

کہا تھا تین سو تیرہ نے سرور دیں سے
تمہارے نام پہ جان و جگر لٹانا ہے

نبیﷺ جو چاہتے خیبر پلٹ کے رکھ دیتے
علی کو فاتح خیبر تو بس بنانا ہے

سراقہ جانتا کیسے مقام آقا ۔۔۔کا
دبانا اس کو زمیں میں تو اک بہانہ ہے

غسالہ گرنے نہیں دیتے ہیں محمد کا
صحابہ ان کا سنو کس قدر دیوانہ ہے

جہاں ملائکہ آتے ہیں روزوشب امجد
وہی تو شاہ دوعالم کا آستانہ ہے
---
غلام مصطفٰی امجد بہاری
98 واں ہفتہ وار فی البدیہہ طرحی مشاعرہ 29 تا 30 جولائی
پیشکش فیس بک ٹائمز انٹرنیشنل ​

 

جہاں ملائکہ آتے ہیں روزوشب امجد
وہی تو شاہ دوعالم کا آستانہ ہے​

 

سبحان اللہ & جزاک اللہ

​

 

اللہ تعالٰی آپ کو بھی جزائے خیر عطا کرے آمین

​