جوکچھ بھی ہوں میں آج! ہوں سرکارکےسبب ۔ حافظ محبوب

جوکچھ بھی ہوں میں آج! ہوں سرکارکےسبب
آقائےدوجہاں شہِ ابرارکےسبب

آئی کہاں سےروشنی اس کائنات میں؟
روشن ہیں مہرومہ شہِ انوارکےسبب

میزاں کہاں پہ، جنت ودوزخ کہاں پہ ہے
یہ رازسب کھلےشہِ اسرارکےسبب

خلقِ خدابچی ہےجہنم کی آگ سے
"تبشیر "کےسبب کبھی "انذار "کےسبب

امیدہےکہ حق سےمری ہوگی مغفرت
اس "بزمِ نعت "میں کہے اشعارکےسبب

بھیجاگیاتھاعرش سےجس کےلئےبراق
روشن ہےکہکشاں اسی رہوارکےسبب

اس انجمن میں کیابھلامحبوب کاشمار
سب عزتیں ملی ہیں یہ سرکارکےسبب
-----
حافظ محبوب. پاکستان​

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین