جس کے مولانبی اس کے مولا علی ۔ منقبت سیدنا علی کرم اللہ وجہہ

13رجب ۔ یوم ولادت مولا علی پر ہدیہ منقبت
(برطرز: تو کجا من کجا ۔۔۔یا ۔۔۔۔سب سے اولی و اعلی ہمارا نبی)

اللھم صل علی سیدنا محمدوعلیٰ آلہ وصحبہ وسلم

جس کے مولا نبی ؑ ، اُس کے مولا علی
جس کے مولا علی، اس کا رب جلی

سب کہو یا علی ,میرے مولا علی
یا علی، یا علی، یا علی، یا علی​

جشن مولود کعبہ مناتا ہوں میں
ذکر مولا سبھی کو سناتا ہوں میں
پنجتن کی گدائی سے کھاتا ہوں میں
جن کا کھاتا ہوں گن انکے گاتا ہوں میں

سب کہو یا علی ,میرے مولا علی
یا علی، یا علی، یا علی، یا علی​

دم بدم جو بھی کہتا رہا یا علی
اس کا ہرغم مٹا ، اس کی مشکل ٹلی
حشر میں جسکے لب پہ ہو نام علی
بالیقیں اے رضاؔ ، اُ س کو جنت ملی

سب کہو یا علی ,میرے مولا علی
یا علی، یا علی، یا علی، یا علی​

موج طوفاں سے کیا اب مجھے واسطہ
ہے سوار ِسفینۂ حیدر رضاؔ
ہرتلاطم میں ہیں وہ میرا آسرا
ساری دنیا کہے جن کو مشکل کشا

سب کہو یا علی ,میرے مولا علی
یا علی، یا علی، یا علی، یا علی​

ہوکے کاسہ بکف بن گدائےعلی
ڈال آنکھوں میں کچھ خاک پائےعلی
مانگ قطرۂ بحرِ ولائے علی
کیونکہ رب کی رضا ہے رضائے علی

سب کہو یا علی ,میرے مولا علی
یا علی، یا علی، یا علی، یا علی​

نہ ہوں عالم نہ کوئی سخنور ہوں میں
صاحب ِفن ہوں نہ شعبدہ گر ہوں میں
اک وجہ سےرضا ؔمعتبرپر ہوں میں
پنجتن کےگھرانےکا نوکر ہوں میں

سب کہو یا علی ,میرے مولا علی
یا علی، یا علی، یا علی، یا علی​

ہدیہ عقیدت: محمد نعیم رضاؔ قادری
​

 

شکریہ محترم بھائی ۔ جزاک اللہ خیر

 

جشن مولود کعبہ مناتا ہوں میں
ذکر مولا سبھی کو سناتا ہوں میں
پنجتن کی گدائی سے کھاتا ہوں میں
جن کا کھاتا ہوں گن انکے گاتا ہوں میں
------------------------------------
اللہ تعالیٰ جزائے خیر عطا کرےآمین