جب کسی شخص پہ تہمت لگ جائے (غزل)

السلامُ علیکم
معزز قارئین!
آپ کی خدمت میں اپنی ایک غزل پیش کر رہا ہوں، اور اِس اُمید کے ساتھ کہ آپ اپنی آراء سے نوازیں گے،
والسلام
مخلص
امین عاصم

غزل
جب کسی شخص پہ تہمت لگ جائے
داؤ پر گاؤں کی عزت لگ جائے

پھر وہ انمول کہاں رہتی ھے
جب کسی چیز کی قیمت لگ جائے

اُس کی آنکھوں سے ہے ڈر، ایسا نہ ہو
مجھ کو مے نوشی کی عادت لگ جائے

حُسن بازار میں لے آئے وہی
ہاتھ جس کے بھی یہ دولت لگ جائے

نزع میں اُس کا ہے فن، یوں سمجھو
جس کو بیماریئ جدت لگ جائے

کچھ پرندے جو مرے گاؤں میں ہیں
اِن پہ پابندیئ ہجرت لگ جائے
(امین عاصم)

 

ہماری اردو پر خوش آمدید۔
ماشاء اللہ، اچھی سوچ کی عکاسی ہے آپ کے کلام میں۔ اللہ آپ کو اور بہتری دے۔

 

بہت خوب لکھتے ہیں آپ۔ مزید بھی لکھئے ناں!

میں منتظمین سے درخواست کروں گا کہ صارفین کی حوصلہ افزائی کے لئے ان کی ذاتی شاعری کے لئے ایک الگ چوپال بنا دی جائے۔ شکریہ

باقی دوستوں کی اس میں کیا رائے ہے؟

 

محترم!
سلام

غزل پسند آئی۔ داد قبول فرمائیں۔
والسلام

 

محترم امین عاصم جی! خوش آمدید۔ ماشاءاللہ آپ کا کلام بہت پیارا ہے۔ اللہ آپ کو مزید توفیق دے ایسا کلام کہنے کی۔ اور ہماری اردو کو اپنی نگارشات سے نوازتے رہیئے گا۔ نوازش ہوگی۔

 

ما شا ء اللہ اچھا کلام ہے امین بھائی

 

امین عاصم صاحب! آپ کی غزل بہت پسند آئی۔ میری طرف سے بہت بہت داد و تحسین قبول کیجئے۔