جب نظر آئی شہ جن و بشر کی صورت ۔۔ حافظ اشرفی

جب نظر آئی شہ جن و بشر کی صورت
شب تیرہ بھی چمک اٹھی سحر کی صورت

جل گئی شمع حرم چاند حرا کا نکلا
بدلی بدلی سی ہے اللہ کے گھر کی صورت

خوش جسے دیکھ کے ہوتا ہے خداوند کریم
آمنہ ہے وہ ترے رشک قمر کی صورت

کیسے دنیا مرے آقاﷺ کی حقیقت جانے
لوگ پہچان سکے جب نہ خضر کی صورت

اس بلندی سے بھی آگے مرے سرکار گۓ
جہاں بے پر سی ہے جبریل کے پر کی صورت

شمع عشق شہ لولاک کی نسبت لیکر
دل کا ہر داغ چمکتا ہے قمر کی صورت

زیر دامان پیمبر جو چلے آئینگے
وہ بلندی پہ سدا ہونگے زبر کی صورت
-----
حافظ اشرفی
عالمی واٹسپ گروپ "بزم نعت" کا چوہترواں شاندار طرحی مشاعرہ
فروری 2019​

 

اس بلندی سے بھی آگے مرے سرکارﷺ گئے
جہاں بے پر سی ہے جبریل کے پر کی صورت​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین