جب میں اپنے آپ پر افشا ہوا۔

جب میں اپنے آپ پر افشا ہوا
شوق قطرے سے بڑھا دریا ہوا

ہوش کا سامان رخصت ہو گیا
عقل نے آہیں بھریں یہ کیا ہوا۔؟

آگہی کا راز جب مجھ پر کُھلا
یہ جہاں آیا نظر دیکھا ہوا

طور کس کارن جلا کچھ یاد ہے
شوق جب حد سے بڑھا شعلہ ہوا

کُنتُ کنزاً کا لبادہ اوڑھ کر
کون تجھ میں چُھپ کے تھا بیٹھا ہوا

عشق میں خلوت کے معنی کھل گئے
سب میں رہ کر آج جب تنہا ہوا

خون سے دِل کی زمیں سیراب کی
تب کہیں جا کر یہ گُل پیدا ہوا

عالمِ وارفتگی میں اے حبیب
بارہا خود سے مرا جھگڑا ہوا

کلام ملک حبیب

 

ھارون رَشید ،،،،، شکر گزار ہوں۔

 

شکریہ ملک بلال صاحب

 

ملک حبیب صاحب کے لیے نذرانہ عقیدت۔۔۔۔۔۔۔۔۔۔۔۔۔۔۔۔

 

واہ۔۔۔۔۔۔بہت عمدہ
بہت خوب

 

ملک صاحب کنت کنزا کس چیز کی طرف اشارہ ہے۔بالضرورمطلع فرمائیں۔

 

حَدیثِ قُدسی ہے ،، کُنتُ کنزا مَخفِیا فَاحبَتُ اَن اعرف،،،،، اللہ فرماتا ہے کہ میں ایک چُھپا ہوا خزانہ تھا مجھے خیال آیا کہ میں پہچانا جاؤں،،، کافی لمبی تفصیل ہے،،، جو کتابوں میں آئی ہے ۔۔۔