جب سے ناعت یہ دل بنا ہوا ہے ۔۔ عزیز فیصل

جب سے ناعت یہ دل بنا ہوا ہے
داد الحاد سے بچا ہوا ہے

سبز گنبد کو دیکھ کر یہ لگے
جیسے دل سے مکالمہ ہوا ہے

آپ گزرے جہاں سے پل بھر کو
وہ تو صدیوں کا راستہ ہوا ہے

اس تریسٹھ برس کی صورت میں
وقت کو مرتبہ ملا ہوا ہے

نفسیات بشر ہوئی مضبوط
ذہن سے دور واہمہ ہوا ہے

اک صداقت ہے ہر زمانے کی
مرے امی نے جو کہا ہوا ہے

اس کے ہر لفظ پر فدا مرا دل
جو مدینے کا ہمنوا ہوا ہے
----
عزیز فیصل
Aziz Faisal
26-1-2020​

 

اس کے ہر لفظ پر فدا مرا دل
جو مدینے کا ہمنوا ہوا ہے
​

 

سبحان اللہ ۔ جزاک اللہ

 

اللہ تعالٰی آپ کو بھی جزائے خیر عطا کرے آمین