جب سے درِ رسول کے یہ دل ہوا قریب۔۔عباس عدیمؔ قریشی

صلی اللہ علیہ وآلہ وسلم​

جب سے درِ رسول کے یہ دل ہوا قریب
لگتا ہے جیسے عرشِ خدا ہو گیا قریب

اعجاز ہے درود و ثنائے حضور کا
پاتا ہوں حاشا ، دل کے درِ مصطفیٰ قریب

بارِ گنہ سے پاوں ہی اٹھتے نہیں مرے
سرکار بس کریم ہیں کہتے ہیں ، آ قریب

کس منہ سے قربِ شاہ کی میں بھیک مانگتا
رکھا ہے مجھ کو ان کے کرم نے سدا قریب

چشمِ گدا میں عشق کی بینائی چاہیے
ہر وقت ہے حضور کا بابِ عطا قریب

الجھے ہیں بس حدودِ زمان و مکاں میں ہم
فاصل نہیں حضور کو ، کیا دور ؟ کیا قریب

سرکار قربتیں بھی عطا کیجئے ہمیں
جیسے عطا ہوئی ہے ردیفِ ثنا قریب

کہتے ہیں وہ عدیمؔ تھا بزمِ ثنا میں رات
کاسہ بکف تھا ، شاہ کے جو بے نوا قریب

صدیقی نقشبندی ہے نسبت مری عدیمؔ
لطفِ رسول سے ہے مرا واسطہ قریب​

------
عباس عدیمؔ قریشی
مجموعہ نعتﷺ " اغثنی "​

 

اللہ تعالیٰ آپ کو بھی جزائے خیر عطا کرے آمین

 

بارِ گنہ سے پاوں ہی اٹھتے نہیں مرے
سرکار بس کریم ہیں کہتے ہیں ، آ قریب​

 

صدیقی نقشبندی ہے نسبت مری عدیمؔ
لطفِ رسول سے ہے مرا واسطہ قریب​

 

سبحان اللہ - جزاک اللہ

 

جزاک اللہ خیراً کثیراً

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرے آمین

 

آمین

 

اللہ تعالیٰ آپ کو بھی جزائے خیر عطا کرےآمین