جب تک میں گم رہا ہوں خیالِ حضور میں ۔ محمد عمران شریف

نعت رسول مقبول ﷺ
-----
جب تک میں گم رہا ہوں خیالِ حضور میں
دل بھی رہا عجیب سے کیف و سرور میں ​

ہوتی رہی ہیں مجھ پہ عنایت کی بارشیں
اور میں بلندیوں کے رہا ہوں غرور میں

جب تک رہے ہیں سامنے جلوے حضور کے
تب تک زباں رہی ہے ثنا کے ظہور میں

ہر ایک رات ہو گئی روشن کچھ اسطرح
ہر ایک دن رہا ہے اجالے میں , نور میں

آئے ہیں ساتھ دینے فرشتے بھی اس گھڑی
جس وقت یاد ان کو کیا ہے شعور میں

ایسے ملا حضور سے گنبد کے سائے میں
جیسے کہ موسی رب سے ملے کوہ طور میں

عمران ان کے در کی گدائی کے ماسوا
دلچسپی کچھ نہیں مجھے جنت میں , حور میں
----
محمد عمران شریف
​

 

اللہ تعالیٰ آٌپ کو بھی جزائے خیر عطا کرے آمین