جانِ جاں!جس نےبھی دیکھاتراجلوہ نوری ۔ محمد مجاہد حسین رضوی

جانِ جاں!جس نےبھی دیکھاتراجلوہ نوری
بول اُٹھَّا کہ نہ دیکھا کبھی اَیسا نوری

پل میں پہونچےوہ سرِعرش توحیرت کیاہے؟
راہ رو نور ہے اُس نور کا رستا نوری

رب کی جلوہ گہِ مخصوص ہےعرشِ اعظم
اُس سے بڑھ کرہےکہیں آپ کاچہرا نوری

راہ اِک ایسی ہےجس سےمرے آقا کے سوا
نہ تو گزرا کوئی خاکی نہ ہی گزرا نوری

تو زمیں پر جو رہے محوِ ثناءِ سرور
آسمانوں پہ کریں گے ترا چرچا, نوری

تیرگی قبر کی پھر کیسےرہےگی باقی؟
آکے جلوےجوبکھیریں گے وہ آقا نوری

تیرتاجس میں ہےخورشیدِجہاں تاب حسنؔ
روئے سرکار ہے وہ حسن کا دریا نوری

محمد مجاہد حسین رضوی
حسنؔ الہ آبادی​

 

اللہ تعالیٰ آپ کو بھی جزائے خیر عطا کرے آمین