جانوں ترا جلال سنہرے ترے اصول ۔۔ سبحان الدین گل بخشالوی

جانوں ترا جلال سنہرے ترے اصول
در پر ترے فقیر کی ہو حاضری قبول

سجدے میں ہوں مطاف میں کعبہ ہے سامنے
دھونے لگا ہوں روح و بدن سے خطا کی دھول

لپٹا غلاف کعبہ سے مانگوں ترا کرم
یارب! میں زندگی کی حقیقت گیا ہوں بھول

آئی صدا غلاف سے ایسے لگا مجھے
جھولے میں زندگی کے ذرا دل لگا کے جھول

رمضان میں سمیٹنے آیا ہوں برکتیں
ہوتا رہا قرآن کا اس ماہ میں نزول

یارب! مری حیات کا جب ہو چراغ گلؔ
کعبہ ہو میرے سامنے یا روضۂ رسولﷺ
٭٭٭
گلستانِ نعتﷺ ۔۔ سبحان الدین گل بخشالوی​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ ـ جزاک اللہ

 

اللہ تعالیٰ آپ کو بھی جزائے خیر عطا کرے آمین