جاسوس کبوتر یا معصوم سیاح؟

راکیش کوشل کےمطابق ابھی ایسے کوئی شواہد نہیں ملے ہیں جن کی بنیاد پر اس کبوتر کو جاسوس کہا جا سکے
-----------------------------------------------------------------
بھارتی پنجاب کی پولیس آج کل ایک اہم مشن پر ہے جس میں اسے پتا لگانا ہے کہ سرحد پار پاکستان سے آنے والا ایک کبوتر شاطر جاسوس ہے یا معصوم سیاح۔
کبوتر پٹھان کوٹ پولیس کی تحویل میں ہے، انٹیلی جنس ایجنسیوں کو بھی الرٹ کر دیا گیا ہے، لیکن ایکسرے سمیت مکمل طبی معائنے کے باوجود ابھی کوئی ایسا ثبوت نہیں ملا ہے جس کی بنیاد پر اسے جاسوس قرار دیا جا سکے اور پٹھان کوٹ کے ایس ایس پی راکیش کوشل کے مطابق نہ ہی ابھی اسے بےگناہ تصور کیا جا سکتا ہے۔
راکیش کوشل نے بی بی سی کو بتایا کہ ’یہ کبوتر بلاشبہ پاکستان سے آیاہے۔ بدھ کو اسے ایک شخص نے پاکستان کی سرحد سے تین چار کلومیٹر دور واقع منوال گاؤں میں پکڑا تھا۔۔۔اس کے پروں پر تحصیل شکر گڑھ، ضلع نارووال لکھا ہے۔‘
ان کا کہنا تھا کہ ’اس کے اوپر اردو میں بھی کچھ تحریر ہے جو پڑھا نہیں جارہا، ایک نمبر بھی ہے ، لیکن یہ فون نمبر نہیں ہے۔۔۔ہم نے ایجنسیوں کو الرٹ کردیا ہے، ہم یہی مان کر چل رہے تھے کہ یہ کہیں جاسوس کبوتر نہ ہو۔‘
تاہم راکیش کوشل کےمطابق ابھی ایسے کوئی شواہد نہیں ملے ہیں جن کی بنیاد پر اس کبوتر کو جاسوس کہا جا سکے۔
’ہم نے اس کا ایکسرے بھی کرایا ہے، اس بات کو یقینی بنانے کے لیے کہ اس کے اندر کوئی کیمرہ، چپ یا ٹرانسمیٹرنصب نہ ہو، لیکن ہمیں ایسا کچھ نہیں ملا ہے۔۔۔مختلف ایجنسیاں اس پر کام کررہی ہیں، جب تک ہم اردو کی لائن نہیں پڑھ لیتے، تب تک ہم یقین سےکچھ نہیں کہہ سکتے۔‘
کبوتر کی دیکھ بھال کی ذمہ داری مقامی پولیس چوکی کے انچارج سرریندر کمار کے سپرد کی گئی ہے ’تاکہ اس کی صحت بھی ٹھیک رہے اور جان کی حفاظت بھی ہو سکے۔‘
یہ پوچھے جانے پر کہ کیا یہ ممکن نہیں کہ کبوتر صرف راہ بھٹک کر سرحد پار آگیا ہے اور اس پورے معاملے میں اس سے زیادہ کچھ بھی نہ ہو، راکیش کوشل نے کہا ’ایسا بھی ہو سکتا ہے کیونکہ سرحد کے دونوں طرف بہت سے لوگ کبوتر بازی کرتے ہیں، لیکن میں 18 مہینے سے اس علاقے میں ہوں، میرے سامنے ایسا واقعہ پہلے کبھی نہیں ہوا۔۔۔۔اگر ایسا ہوتا تو کبوتر آتے جاتے رہتے۔۔۔یہ پہلی مرتبہ ہوا ہے اس لیے ہم زیادہ احتیاط سے کام لے رہے ہیں۔‘

 

کبوتر کے پروں پر تحصیل شکر گڑھ، ضلع ناروال لکھا ہوا ہے
-------------------------------------------------
تاہم چندی گڑھ کے صحافی رویندر سنگھ کا کہنا ہے کہ سرحد پار کبوتروں کا آنا جانا لگا رہتا ہے اور اس حد تک کہ بہت سے لوگ انہیں دانہ ڈال کر پکڑتے ہیں اور پھر بازار میں بیچ دیتے ہیں۔ ان کا کہنا ہےکہ پاکستانی کبوتر ہندوستانی کبوتروں سے مہنگے بکتے ہیں۔
پولیس کا خیال ہے کہ یہ کبوتر ایک ’جاسوس طیارے‘ کے طور پر کام کر سکتا ہے۔
ان کے مطابق ’سرحد کے قریب بہت سی فوجی تنصیبات ہیں، یہ کبوتر ان کی آسانی سے تصویریں کھینچ سکتا ہے۔۔۔اگر ایسا ہے تو سکیورٹی کے نظریہ سے بہت خطرناک ہوسکتا ہے۔‘
بہرحال، تفتیش ابھی جاری ہے اور انٹیلی جنس ایجنسیاں جلدی ہی کسی نتیجے پر پہنچ جائیں گی۔
http://www.bbc.com/urdu/regional/2015/05/150529_pakistani_spy_pigeon_zs

 

بیچار کبوتر ویزا لینا بھول گیا ہے اور شاید بھارتی جیل میں عمر کا باقی حصہ گزار دے

 

بزدل بھارتی

 

100 فی صد درست فرمایا آپ نے بہت شکریہ

 

بزدل دشمن سے اچھائی کی امید نہیں رکھنی چاھیے

 

جاسوس کبوتر پکڑنے پر آسٹریلوی ٹی وی چینل نے بھارت کا بری طرح مذاق اڑا ڈالا

 

جاسوس کبوتر کے خلاف را کے تصویری ثبوت
گذشتہ ہفتے ہندوستانی حکام نے دعویٰ کیا کہ انہوں نے ایک کبوتر پکڑا ہے، جو حقیقت میں پاکستانی جاسوس ہے۔ ہندوستانی خفیہ ایجنسی را نے دعویٰ کیا کہ کبوتر کو پاکستانی خفیہ ایجنسی آئی ایس آئی نے خصوصی طور پر تربیت دی تھی، تاکہ وہ ہندوستان میں گھس کر جاسوسی کر سکے۔
اپنے اس دعوے کو ثابت کرنے کے لیے را نے کچھ تصاویر جاری کی ہیں، جو کہ را کے تربیت یافتہ طوطے نے لی تھیں۔ تصاویر میں پاکستانی جاسوس کبوتر کو ہندوستان میں جاسوسی کرتے ہوئے دیکھا جا سکتا ہے۔ را کے سربراہ راجر بِنی نے صحافیوں سے گفتگو کرتے ہوئے کہا کہ تصاویر سے ثابت ہوتا ہے کہ پاکستانی جاسوس کبوتر، جس کا خفیہ نام غٹرغوں خان ہے، کئی سالوں، یا شاید دہائیوں سے ہندوستان میں جاسوسی مشن پر تھا۔
ذیل میں وہ تصاویر ہیں جو را نے اپنے دعوے کے ثبوت کے طور پر جاری کی ہیں۔

غٹرغوں خان را سربراہ کی پالتو بطخوں کی جاسوسی کرتے ہوئے۔
------------------------------------------------

غٹرغوں خان ایک ہندوستانی مادہ کبوتر سے پیار کا ڈرامہ کر کے اسے بھرتی کر رہا ہے۔

 

بہار کے ایک ایٹمی پلانٹ کے باہر غٹرغوں خان کی لی گئی سیلفی۔
----------------------------------------------

غٹرغوں خان ایک محبِ وطن ہندوستانی گلہری سے لڑتے ہوئے۔ گلہری کی لاش بعد میں ایک قریبی تالاب سے برآمد ہوئی۔

 

غٹرغوں خان ہندوستانی دریا کو آلودہ کرتے ہوئے۔
---------------------------------------

غٹرغوں خان ایک معصوم ہندوستانی پر فضائی حملہ کرتے ہوئے۔

 

وزیرِ اعظم مودی پاکستانی کبوتروں کے فضائی حملوں سے بچاؤ کے لیے خصوصی طور پر تیار کیے گئے ہیٹ کی نمائش کر رہے ہیں۔
----------------------------------------------------------------------------

ایک آئی ایس آئی اہلکار غٹرغوں خان کو ہندوستان میں مزید فضائی حملوں کے لیے رقم دیتے ہوئے۔

 

آئی ایس آئی کے ساتھ کام کرنے والا ایک چینی سائنسدان غٹرغوں خان کی بائیں آنکھ میں کیمرہ نصب کر رہا ہے۔
---------------------------------------------------------------------------

غٹرغوں خان بولی وڈ اداکارہ کے بھیس میں۔

 

غٹرغوں خان ہندوستان میں جاری ٹیسٹ میچ میں رکاوٹیں ڈالتے ہوئے۔ خاص طور پر دنیا کے تیز ترین، خطرناک ترین، اور بہترین باؤلر اشانت شرما کو زخمی کرنے کی کوشش کرتے ہوئے۔

 

غٹرغوں خان خفیہ اور اسٹریٹیجک طور پر مودی اوبامہ ملاقات میں موجود ہے۔
---------------------------------------------------

غٹرغوں خان کی جانب سے مچائی گئی زبردست تباہی۔

 

آخر کار غٹرغوں خان کو گرفتار کر کے وہیں بھیج دیا گیا جہاں اسے ہونا چاہیے تھا۔ ہندوستان اب محفوظ ہے۔ را زندہ باد! غٹرغوں خان کے آخری الفاظ:
"!My name is Khan, and I'm not a spy"
http://www.dawnnews.tv/news/1022080/04june2015-pakistani-spy-pigeon-the-proof-nadeem-f-paracha-bm

 

کمانڈو ٹریننگ کررہا ہے
https://www.facebook.com/416556015054063/videos/vb.416556015054063/892297954146531/?type=2&theater