تیری رحمت پہ پلتا ہے زمانہ یا رسول اللہ (صلی اللہ علیہ وسلم)

تیری رحمت پہ پلتا ہے زمانہ یارسول اللہ :saw:
تمہارا در ہے منگتوں کا ٹھکانہ یارسول اللہ :saw:

کسے جا کر سناؤں میں فسانہ یارسول اللہ :saw:
مجھے اپنی ہی کملی میں چھُپانا یارسول اللہ :saw:

خدا جانے یہ کیسی سلطنت ہے شاہِ بطحا کی
ملائک ہیں غلامِ آستانہ یارسول اللہ :saw:

ذرا حسنین کا صدقہ میری جھولی بھی بھر جائے
سخی تو ہے، سخی تیرا گھرانہ یارسول اللہ :saw:

کبھی بلوائیں روضے پر کبھی آجائیں خوابوں میں
رہے یوں ہی سدا یہ آنا جانا یارسول اللہ :saw:

ذکر سنتا ہوں جنّت کا تو آجاتا ہے آنکھوں میں
تیرے روضے کا وہ منظر سہانا یارسول اللہ :saw:

تیری فرقت میں کھو بیٹھا ہوں کچھ ہوش و خرد ایسے
کہ لگتا ہوں میں بس تیرا دیوانہ یارسول اللہ :saw:

تیرے جلووں کی حسرت میں بیتائی ہے عمر ساری
بوقتِ جاں کنی جلوہ دکھانا یارسول اللہ :saw:

لحد میں بھی ہو شانِ مصطفی وردِ زباں میرے
وہاں پہ بھی ثناخوان ہی بنانا یارسول اللہ :saw:

بری ہوگا قیامت کی عدالت سے وہی مجرم
شفیع تم کو ہے جس نے آج مانا یارسول اللہ :saw:

سگانِ مصطفی میں نام آ جائے رضا کا بھی
عطا ہو اِس کو بھی نسبت سگانہ یارسول اللہ :saw:

(محمد نعیم رضا)​

 

Re: یا رسول اللہ (صلی اللہ علیہ وسلم)

آمین ۔ اللہ تعالی اور اسکے حبیب :saw: قبول فرمائیں۔ آمین

 

Re: یا رسول اللہ (صلی اللہ علیہ وسلم)

ماشاءاللہ! سبحان اللہ! آمین!

 

Re: یا رسول اللہ (صلی اللہ علیہ وسلم)

اللہ تعالیٰ نعیم بھائی کو اس نعت رسول مقبول صلی اللہ علیہ وآلہ وسلم کے صدقے گنبد خضریٰ کی زیارت نصیب فرمائے اور علم و عمل میں اضافہ فرمائے۔

 

بہت بہت شکریہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

سبحان اللہ ۔ خوبصورت نعت شریف ہے۔

 

السلام علیکم۔
آپ سب کی اس ناچیز کی عاجزانہ کاوش کی حوصلہ افزائی کا بہت شکریہ ۔
جزاکم اللہ خیرا

 

جزاک اللہ اچھی نعت ھے :mashallah:

 

خوشی جی ۔ اظہارِپسندیدگی کا شکریہ ۔
دعاؤں میں یاد رکھیے گا۔
والسلام