تیرا ہی تذکرہ ہے پروردگارِ عالم ۔بلال رشید

تیرا ہی تذکرہ ہے پروردگارِ عالم
تُو سب کا آسرا ہے پروردگارِ عالم
کامل ہے تُو ازل سے قائم ہے تُو ابد تک
اک تو ہی لا فنا ہے پروردگارِ عالم
محتاج وہ کسی کا ہوتا نہیں جہاں میں
جو تجھ سے مانگتا ہے پروردگارِ عالم
خلاقِ دوجہاں بھی تُو سب کا رازداں بھی
ہر دل کی تُو سدا ہے پروردگارِ عالم
قادر ہے مقتدر ہے ہت شہ سے باخبر ہے
سچا تُو بادشاہ ہے پروردگارِ عالم
اس کو نہیں ضرورت انسان کے کرم کی
جس دل میں تو بسا ہے پروردگارِ عالم
دل میں بلال کے بھی تیری ہی بخششوں سے
توحید کی ضیاء ہےپروردگارِ عالم
------
بلال رشید​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین