تیرا میرا جوڑ وی کی

مَیں اک اکھڑ تے جنگلی پینڈو
تُو مٹیار گلاباں دی
تیرا میرا جوڑ وی کی

میں اک غریب کسان دا پُتر
تُو راشی افسر دی تِھی
تیرا میرا جوڑ وی کی

میں کھوکھے تے سِگرٹ پھوکاں
تو میریٹ وچ کافی پی
تیرا میرا جوڑ وی کی

میں اک شرٹ نوں دھو دھو پاواں
تیرے جوڑے پنجی تِی
تیرا میرا جوڑ وی کی

میں مَر مَر بی اے کیتا
تُو کمپوٹر وچ ایم ایس سی
تیرا میرا جوڑ وی کی

تیرے پِچھے سوہنے مُنڈے
ساڈے پِچھے سی آئی ڈی
تیرا میرا جوڑ وی کی

سانوں یونیورسٹی پُچھدا کوئی نئیں
تیرے پِچھے سارے جی
تیرا میرا جوڑ وی کی

تیرے ناز نخراں نالوں
سانوں چنگی چاچے دی تِھی
تیرا میرا جوڑ وی کی

 

شکریہ، جناب ہوراں دا

 

لو جی بھرا وقاص جی ۔ سب توں پہلاں تے ساڈی اردو تے جی آیاں نوں۔
تے دوجی گل ایہہ کہ نظم بہت پسند آئی۔
بہت سچا کلام لکھیا تسی۔
انشاءاللہ آئندہ وی تہاڈے کلام دی اُڈیکاں رہن گیاں۔