توبہ ایک بزرگ کہیں جا رہے تھے۔ راستے میں کچھ بچے آپس میں بحث کر رہے تھے۔ ایک بچے نے پوچھا ،بابا جی آپ ہمارا فیصلہ کر دیں۔ بزرگ نے پوچھا مسئلہ کیا ہے۔ بچے نے کہا کہ ہم آپس میں بحث کر رہے ہیں کہ ایک آدمی بہت نیک ہے کبھی گناہ نہیں کیا اس کے دل پر اللہ کی خاص نظر رہتی ہے ،اور دوسرا آدمی بہت گنہگار ہے اور سچی توبہ کر لے، اس کے دل پر بھی اللہ کی خاص نظر رہتی ہے۔ وہ بزرگ فرمانے لگے ،بیٹا میں عالم تو نہیں ہوں تاہم میرے تجربے میں ایک بات آئی ہے۔ میں کھڈی پر کپڑا بنتا ہوں جب دھاگے ٹوٹ جاتے ہیں تو اس میں گرہ لگاتا ہوں۔ اس کے بعد اس پر خاص نظر رکھتا ہوں کہ وہ دوبارہ نہ ٹوٹ جائے۔ ممکن ہے جو بندہ غلط راستہ چھوڑ کر سچی توبہ کرلے اللہ اس کو اپنی گانٹھ سے باندھ لے اور اس پر خاص نظر رہتی ہو کہ یہ بندہ کہیں دوبارہ نہ ٹو ٹ جائے ۔