تواڈی پسند

اپنے پسند دا کوئی شعر قطعہ جیہڑا توانوں پسند ہووے او ایتھے لخو
------------------------------------------------

برتن لوہے دے کدی ٹُٹدے نہیں
مالی اپنے باغ نوں کدی پُٹدے نہیں
ٹُٹ جاندے نے کئی وار خون دے رشتے
پر رشتے دوستی دے کدی ٹُٹدے نہیں​

 

جواب: تواڈی پسند

ساواں اک دن مک جاناں اے
اکھاں اک دن سک جاناں اے

سدے تیر جواناں نے وی
وانگ کماناں جھک جاناں اے

کناں لشکن ، کناں چمکن
تارے تے ڈب جاون گے

رنگاں تے خوشبوواں والے
پھل اک دن مرجھاون گے

نویں دناں دیاں سچیاں گلاں
کد تک ٹالی جاواں گا

جھلیا کد تک قبراں اتے
دیوے بالی جاواں گا​

 

جواب: تواڈی پسند

ساریاں نے ودھیا جئے کلام ونڈے نے۔۔۔

 

جواب: تواڈی پسند

پیر ملیاں جے پیڑ نہ جاوے------اسنوں پیر کی دھرنا ہو
مرشد ملیاں ارشاد نہ من نوں----اوہ مرشد کی کرنا ہو
جس ہادی کولوں ہدایت ناہیں----اوہ ہادی کی پھڑنا ہو
جس سر دیتاں حق حاصل ہووے--باہو اس موتوں کی ڈرنا ہو
حضرت سلطان باہو رحمتہ اللہ علیہ​

 

جواب: تواڈی پسند

بلوچا وے۔ ۔ ۔

جے کوئی میرے جیہا ملے تاں
اوس نال پیار ودھاویں ناں
اوس دے درد ونڈھاویں ناں
اوس نوں اِنج تڑفاویں ناں
اوّل میرے جیہے کسے نال
پیار دی پینگ ودھاندے نئیں
جے تقدیریں اکھ لڑ جاوے
فیر او اکھ چروندے نئیں
ساری حیاتی اوس بندے نوں
اپنے دلوں بھلاؤندے نئی​

 

جواب: تواڈی پسند

اے پوری تھیوے نہ تھیوے، دعا بیکار نہیں ویندی
دعا تو منگی رکھ 'شاکر' دعا جانے خدا جانے​

 

جواب: تواڈی پسند

ایڈیاں دَردی اکھاں دے وچ
ہنجو بھرن نہ دیواں
وَس چلے تے ایس جہان وچ
کسے نوں مرن نہ دیواں​

 

جواب: تواڈی پسند

سجن بن راتاں ہوئیاں وڈیاں
رانجھا جوگی، میں جو گیانی،کملی کر کرسڈی آں
ماس جھڑے،جھڑ پنجر ہویا، کڑکن لگیاں ہڈیاں
میں ایانی،نیہوں کی جاناں،برہوں تناواں گڈیاں
کہے حسین فقیر سائیں دا، دامن تیرے میں لگی آں