تمہارے خط میں نیا اک سلام کس کا تھا

تمہارے خط میں نیا اک سلام کس کا تھا
نہ تھا رقیب تو آخر وہ نام کس کا تھا
وہ قتل کرکے مجھے ہر کسی سے پوچھتے ہیں
یہ کام کس نے کیا ہے یہ کام کس کا تھا
وفا کریں گے، نبھاہیں گے، بات مانیں گے
تمہیں بھی یاد ہے کچھ یہ کلام کس کا تھا
رہا نہ دل میں وہ بے درد اور درد رہا
مقیم کون ہوا ہے مقام کس کا تھا
نہ پوچھ گچھ تھی کسی کی وہاں نہ آؤ بھگت
تمہاری بزم میں کل اہتمام کس کا تھا
تمام بزم جسے سن کے رہ گئی مشتاق
کہو وہ تذکرۂ ناتمام کس کا تھا
ہمارے خط کے تو پرزے کئے پڑھا بھی نہیں
سنا جو تونے بہ دل وہ پیام کس کا تھا
اٹھائی کیوں نہ قیامت عدو کے کوچے میں
لحاظ آپ کو وقت خرام کس کا تھا
گزر گیا وہ زمانہ کہوں تو کس سے کہوں
خیال دل کو مرے صبح و شام کس کا تھا
ہمیں تو حضرت واعظ کی ضد نے پلوائی
یہاں ارادۂ شرب مدام کس کا تھا
اگرچہ دیکھنے والے ترے ہزاروں تھے
تباہ حال بہت زیر بام کس کا تھا
وہ کون تھا کہ تمہیں جس نے بے وفا جانا
خیال خام یہ سودائے خام کس کا تھا
انہیں صفات سے ہوتا ہے آدمی مشہور
جو لطف عام وہ کرتے یہ نام کس کا تھا
ہر اک سے کہتے ہیں کیا داغ بے وفا نکلا
یہ پوچھے ان سے کوئی وہ غلام کس کا تھا
(داغ دہلوی)​

 

بہت خوب۔۔

 

ایویں آپ کا نام لگائیں؟

 

چلیں جی آپ کا نام لگادیا۔۔۔۔۔۔۔۔۔۔۔۔ آگے کیا حکم ہے؟

 

آگے کیا ہونا ہے یہاں کون سا پی ٹی وی کا ڈرامہ چل رہا ہے

 

کس کی؟

 

میری جنج کا ذکر تو نہیں ہورہا۔

 

ہاہاہا۔۔۔۔۔
اب خواب دیکھنے پر تو پابندی نہیں ہے کسی کو بھی۔۔۔

 

ہا ہا ہا ہا
آج کل اس جنج کا بھرپور ذکر خیر شروع ہوچکا ہے۔

 

مبارکاں جی

 

خیر مبارکاں۔

 

یہ جنج کس بلا کا نام ہے؟؟

 

اوہ۔۔۔۔۔۔۔۔۔۔۔۔۔۔ بہت شکریہ
میرا خیال ہے جنجال اسی لفظ سے نکلا ہے۔۔۔۔۔۔۔۔۔۔۔۔۔۔ ہا ہا ہا ہا

 

خط میں آپ کا نام شامل نہیں تھا لہٰذا وہ سلام کہیں اور پہنچ گیا ہوگا۔۔۔۔۔۔۔۔۔۔۔۔۔۔۔