تلاش ِ لُقمہِ رزقِ ثنا میں دن گزرا ( از پرؔویز اشرفی احمد آبادی، ہند

تلاش ِ لُقمہِ رزقِ ثنامیں دن گزرا
دیارِحمد کی دلکش ہوا میں دن گزرا

قلم کی رات کٹی، کاغذی مُصلّے پر
سُخن کا پہلوئےحرف و نوامیں دن گزرا

شب حروف کٹی سجدہ سخن میں مری
رکوع حمد، قیام ثنا میں دن گزرا

فقير فن ہُوں ! الٰہی ! بنا امیر ادب
حرم کے پاس اسی اک صدا میں دن گزرا

خداخطاوں کے خیمے میں خرچ رات ہوئی
خطامعاف !!! خطا در خطا میں دن گزرا

کرےگا رقص یقیناً شب عمل کا شباب
جو مغفرت کی مہکتی فضا میں دن گزرا

گناہ، رات کے جھڑ جائیں گے ! اگر پؔرویز
برستی لطف و کرم کی گھٹا میں دن گزرا
------
از پرؔویز اشرفی احمد آبادی، ہند​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین