تعارف از یاسر لطیف

السلام علیکم دوستو!
آج فراز صاحب مرحوم کا ایک شعر تلاش کرتے ہوئے حسن اتفاق سے اس فورم تک پہنچا۔ دیکھ کر بہت خوشی ہوئی اور فوراً رجسٹر کرلیا۔ اپنے بارے نہایت اختصار کے ساتھ کچھ معلومات پیش کرنا چاہوں گا۔
نام: یاسر لطیف ہے۔
تعلیم: انڈر گریجویٹ، حافظ قرآن، مختصر درسِ نظامی، کمپیوٹر گرافک ڈیزائننگ کورسز
1998 سے کمپیوٹر خصوصاً گرافک ڈیزائننگ اور کمپوزنگ کے شعبہ سے منسلک ہوں۔ ساتھ ساتھ قرآن پاک کی تدریس کا سلسلہ بھی جاری رہا۔ آج کل ایک پرائیویٹ ہسپتال میں بطور انچارج کمپیوٹر ڈیپارٹمنٹ کام کررہا ہوں۔ اس کے ساتھ ساتھ تھوڑا بہت کمپیوٹر کمپوزنگ، ڈیزائننگ اور پرنٹنگ سے متعلق اپنا نجی کاروبار بھی چل رہا ہے۔ ساتھ ہی آن لائن قرآن پاک باترجمہ و بلا ترجمہ پڑھانے کے کی سعادت بھی اللہ پاک نے عطا کی کردی ہے۔
محض رب کریم کے فضل سے بچپن ہی سے شعر و ادب اور کتاب بینی کا شوق رہا ہے۔ ہر طرح کے موضوعات پر بے شمار کتابیں پڑھیں۔ زمانہ طالب علمی شعر بھی کہے اب یہ سلسلہ بہت ہی کم ہوگیا ہے: اپنے دو شعر لکھ کر بات ختم کرتا ہوں
آنکھ کے پردے گراکر دیکھنا
جب بھی کوئے جاں کا منظر دیکھنا

ان دنوں یہ مشغلہ بھی خوب ہے
سوچ کے جگنو اڑاکر دیکھنا

یار لوگوں کو بہت بھاری پڑا
دوستوں کو آزماکر دیکھنا

والسلام

 

جواب: تعارف از یاسر لطیف

السلام و علیکم میرا نام احمد فرھان ھے اور تلاش معاش کے سلسلے میں دوبئی میں مقیم ہوں۔ ماسٹر ان انگلش کے علاوہ اردو میں بھی ماسٹر کا ارادہ تھا لیکن حالات ہیمیں یہاں کحھنچ لائے ہیں۔ میری نوکری کوئی اتنی اچھی نہیں کہ میں اس کا تذکرہ کر سکوں بس اتنا ہے کہ روٹی روزی چلتی ہے۔ میرا کوئی خاص مشغلہ نہیں خوب صورت رنگ ہوں لفظ ہوں یا خیالات و لوگ مجھے پسند ہیں۔ بس اتنی سی بات پہ ہم سے چھینی گئی رہبری
کہ ہم سے منزلوں پہ قافلے لوٹوائے نیہں جاتے۔