تری صورت سراسر پیکر کمخواب ہے سلمیٰ

تری صورت سراسر پیکر کمخواب ہے سلمیٰ

ترا جسم ایک ہجوم ریشم و کمخواب سے سلمیٰ

شبستان جوانی کا تو اک زندہ ستارہ ہے

تو اس دنیامیں بحر حسن فطرت کا کنارہ ہے

تو اس سنسار میں اک آسمانی خواب ہے سلمیٰ

جہان قدس کا تو ایک نورانی فسانہ ہے

تجھے سلمیٰ دیار ناز کی اک ساحرہ کہئے

صنم آباد عفت کی مقدس کافرہ کہئے

رباب حسن کا تو ایک الہامی ترانہ ہے

پرستان لطافت کی تو ایک رنگیں کہانی ہے

جواں فطرت کا تو اک گم شدہ خواب جوانی ہے

…٭…
​