تجمل حسین کا تعارف

السلام علیکم ورحمۃ اللہ وبرکاتہ،
میرا نامِ نامی اسم گرامی تجمل حسین ہے۔ میرا تعلق اللہ رب العالمین کی اس بہت وسیع کائنات کا ایک چھوٹا سا حصہ جسے ہم زمین کے نام سے جانتے ہیں، اس میں واقع ایک براعظم ایشیا میں واقع ایک ملک خوبصورت ملک پاکستان کے ایک صوبے پنجاب کی ایک ڈویژن ساہیوال کے ضلع ساہیوال کی تحصیل ساہیوال میں واقع ایک گاؤں کے ایک محلہ کے ایک گھر سے ہے۔
اگر بات کی جائے کام کی تو میرا کام کمپیوٹر آن کرکے کیبورڈ پر ہاتھ کی صفائی دکھانا ہے۔ یقیناََ آپ سمجھ ہی گئے ہوں گے کہ کمپیوٹر آپریٹر ہوں۔ اور پنگے بازی کرتا رہتا ہوں کام پر بھی اور گھر پر بھی۔
اگر بات کی جائے مشاغل کی تو ظاہری بات کمپیوٹر آپریٹر کو کمپیوٹر کے علاوہ اور کیا مشاغل ہوسکتے ہیں۔ البتہ یہ الگ بات ہے کہ کمپیوٹر میں بھی کئی اقسام کے مشاغل ہیں۔ جن میں سرِفہرست فیس بک ہے۔ لیکن میں فیس بک کبھی کبھار ہی استعمال کرتا ہوں۔ زیادہ وقت اردو محفل، وی سی ایچ سوسائٹی، اور یونہی فورم پر گزرتا ہے۔ اس کے علاوہ کچھ وقت ورڈ پریس کے تھیمز اور مختلف پلگ انز کو اردوانے میں گزرتا ہے۔
اردو سے تعلق تو اس دن سے ہے جس دن سے سکول جانا شروع کیا جبکہ پنجابی سے تعلق اس دن سے ہے جس دن سے پہلا لفظ بولا تھا۔

باقی باتیں پھر کبھی سہی ۔ فی الوقت اتنا ہی کافی ہے۔
تب تک آپ سبھی مجھے خوش آمدید کہہ لیں۔
اللہ حافظ۔

 

تجمل حسین بھائی
نہایت شائستہ تعارف ہے ، پڑھ کر اور جان کر مسرت ہوئی
اللہ آپ کا حامی و ناصر رہے

 

آپ کو پسند آیا بہت شکریہ۔
باقی یہ کہوں گا کہ میں لکھنے کے معاملے میں بہت کنجوس اور پڑھنے کے معاملے میں بہت فراخ دل ہوں

شکریہ جناب بلال صاحب۔ کوشش کروں گا کہ باقاعدگی سے ہفتے میں ایک بار لازمی حاضری لگواتا رہوں۔

آمین۔
بہت شکریہ بھائی جی۔

نوازش۔

 

لکھنے میں کنجوسی کیسی ؟؟
دس بارہ بار کی بورڈ پر انگلیاں ہلائیں اور جملہ تیار ، بہت ہی سادہ سا نسخہ ہے
جو دل میں آئے بول دو
دل کے سارے راز کھول دو

 

جملہ کیبورڈ سے لکھنے میں تو دیر نہیں لگتی البتہ دماغ میں ترتیب نہیں دی جاتی

 

دماغ چلانا ۔۔۔۔ یہ تو دنیا کا آسان ترین کام ہے ۔ آنکھیں بند کی اور دماغ اسٹارٹ 200 کی اسپیڈ میں ،

 

سچ کہا۔ اسی لیے نیند میں میرا دماغ 1000 کی سپیڈ سے چلتا ہے اور جب 10 گھنٹوں بعد آنکھ کھلتی ہے تو تھکاوٹ سے چکنا چُور ہوچکا ہوتا ہوں۔

 

پھر تو باندھ کر سویا کریں ، کہیں ایسا نا ہو پڑوس کے محلے والے فائدہ اٹھالیں

 

فکر ناٹ جی۔ ابھی تک تو میں اس کا فائدہ نہیں اٹھا سکا تو محلے والے کیسے اٹھالیں گے؟ نیند میں بڑے بڑے ضخیم ناول اور فلموں کی کہانیاں مکمل کرلیتا ہوں اگر انہیں لکھوں تو کئی گھنٹوں کی فلم ایک نیند سے بن جائے

 

پھر آپ تو ہمارے قومی اثاثہ ہوئے ، آپ کے دماغ کی حفاظت تو ہمارا قومی فریضہ ہے

 

ہاہاہاہا
بھائی پہلے سیاستدانوں کی حفاظت تو مکمل ہوجائے۔

 

یہ ہی تو المیہ ہے یہاں پر ، بے کار چیزوں کی قدر اور قیمتی چیزوں کی بےقدری

 

آداب۔