بھر دو جھولی میری یا محمد لوٹ کر میں نہ جاوّں گا خالی

بھر دو جھولی میری یا محمد لوٹ کر میں نہ جاوّں گا خالی
کچھ نواسوں کا صدقہ عطاء ہو در پہ آیا ہوں بن کر سوالی

حق سے پائی وہ شانِ کریمی مرحبا دونوں عالم کے والی
اس کی قسمت کا چمکا ستارہ جس پہ نظرِ کرم تم نے ڈالی

زندگی بخش دی بندگی کو آبرو دین حق کی بچا لی
وہ محمد(ص) کا پیارا نواسہ جس نے سجدے میں گردن کٹا لی

حشر میں انکو دیکھیں گے جس دم امتی یہ کہیں گے خوشی سے
آرہے ہیں وہ دیکھو محمد(ص) جن کے کاندھے پہ کملی ہے کالی

عاشقِ مصطفی (ص) کی ازاں میں اللہ اللہ کتنا اثر تھا
عرش والے بھی سنتے تھے جس کو کیا اذاں تھی اذانِ بلالی

کاش پُرنم دیارِ نبی (ص) میں جیتے جی ہو بلاوا کسی دن
حالِ غم مصفطیٰ کو سناؤں تھام کر ان کے روضے کی جالی​

 

جزاک اللہ۔۔

صلی اللہ علیہ وسلم

 

شکریہ کاشفی بھائی