بڑی امید ہے سرکار قدموں میں بلائیں گے

بڑی امید ہے سرکار قدموں میں بلائی

بڑی امید ہے سرکار قدموں میں بلائیں گے

بڑی امید ہے سرکار قدموں میں بلائیں گے
کرم کی جب نظر ہوگی مدینے ہم بھی آئیں گے

اگرجانا مدینے میں ہوا ہم غم کے ماروں کا
مکین گنبد خضرا کو حال دل سنائیں گے

گناہگاروں میں خود آ آ کے شامل پارسا ہوں گے
شفیع حشر جب دامانِ رحمت میں چھپائیں گے

قسم اللہ کی ہوگا وہ منظر دید کے قابل
قیامت میں رسول اللہ جب تشریف لائیں گے

قیامت تک جگائیں گے نہ پھر منکر نکیر اس کو
لحد میں وہ جسے اپنا رخ زیبا دکھائیں گے

غم عشق نبی سے ہوگا جب معمور دل نیر
ترے ظلمت کدے میں بھی ستارے جگمگائیں گے

(شریف الدین نیر سہروردی)​

 

بہت خوب!

 

ماشا ء اللہ۔ بہت پیاری نعت ہے اور
حضرت قاری زبید رسول نے پڑھی بھی کمال کی ہے۔