بچی کچی ہےجو یا رب وہ ایک سی گزرے ۔ شفیق رائےپوری

بچی کچی ہےجو یا رب وہ ایک سی گزرے
ثناء رحمت عالم میں زندگی گزرے

لگا رہوں میں تمہاری ثناء و مدحت میں
" تمہاری یاد میں آقا یہ زندگی گزرے"

مرے حضور کے جیسا کوئی نہیں گزرا
مرے حضور سے پہلے بہت نبی گزرے

تصورات میں یوں تو گزر ہوا ہے بہت
حضور آپ کے در سے یہ جسم بھی گزرے

کمال تھا تن انور کے ساتھ نوری سفر
پلک جھپکتے ہی افلاک سے نبی گزرے

در نبی ہے یہاں بے خودی نہیں چلتی
پکڑ کے ہوش کا دامن ہر امتی گزرے

کھلے ہیں گنبد بے در کے در شب اسری
وہاں سے جب مرے آقا مرے نبی گزرے

شفیق رائےپوری​

 

اللہ تعالیٰ آپ کو بھی جزائے خیر عطا کرے آمین