بُہت بے شرم ہے یہ ماں

جو ہم کہتے ہیں یہ بھی کیوں نہیں کہتا یہ کافر ہے​

ہمارا جبر یہ ہنس کر نہیں سہتا یہ کافر ہے​

یہ انسان کو مذاہب سے پرکھنے کا مُخالف ہے​

یہ نفرت کے قبیلوں میں نہیں رہتا یہ کافر ہے​

بُہت بے شرم ہے یہ ماں جو مزدوری کو نکلی ہے​

یہ بچہ بھوک اک دن کی نہیں سہتا یہ کافر ہے​

یہ بادل ایک رستے پر نہیں چلتے یہ باغی ہیں​

یہ دریا اس طرف کو کیوں نہیں بہتا یہ کافر ہے​

ہیں مُنکر یہ ہوائیں روز ہی قبلہ بدلتی ہیں​

گھنا جنگل انہیں کُچھ بھی نہیں کہتا یہ کافر ہے​

یہ تتلی فاحشہ ہے پھول کہ بستر پہ سوتی ہے​

یہ جُگنوں شب کہ پردے میں نہیں رہتا یہ کافر ہے​

شریعیتا” کسی کا گُنگنا بھی نہیں جائیز​

یہ بھنورا کیوں بھلا پھر چُپ نہیں رہتا یہ کافر ہے​

ستاروں پر کمندیں ڈالنے کا عزم رکھتا ہے​

پہاڑوں اور غاروں میں نہیں رہتا یہ کافر ہے​

۔۔۔۔۔۔۔شاعر کا نام معلوم نہیں۔۔۔۔۔۔۔​

 

شکریہ اچھی شیئرنگ کا

 

لیا تو میں نے عالمی اخبار سے ہی تھا لیکن شاعر کا نام اس وقت کاپی نہیں ہوا۔