بن کر خدا کی رحمت سرکار ﷺ آ رہے ہیں ۔ محمد احمد زاہد سانگلہ ہل

بن کر خدا کی رحمت سرکار ﷺ آ رہے ہیں​

بخشی ہے رب نے نعمت سرکار ﷺ آ رہے ہیں

ہر چیز جن کی خاطر آئی ہے اس جہاں میں
وہ تابدار _ قدرت سرکار ﷺ آ رہے ہیں

تھا ظلمتوں کا سورج بڑھتا ہوا دنوں میں
دینے ہمیں ہدایت سرکار ﷺ آ رہے ہیں

اعلان ہو رہا تھا سب کو ملے گا سب کچھ
دینے کو اب امانت سرکار ﷺ آرہے ہیں

مایوسیوں کو چھوڑو ان سے ہی لو لگا لو
ٹوٹے دلوں کی فرحت سرکار ﷺ آ رہے ہیں​

-----
محمد احمد زاہد سانگلہ ہل
رمزِنعت پہلاآن لائن فی البدیہہ طرحی نعتیہ مشاعرہ
10 نومبر 2018​

 

بن کر خدا کی رحمت سرکار ﷺ آ رہے ہیں
بخشی ہے رب نے نعمت سرکار ﷺ آ رہے ہیں​

 

مایوسیوں کو چھوڑو ان سے ہی لو لگا لو
ٹوٹے دلوں کی فرحت سرکار ﷺ آ رہے ہیں​

 

سبحان اللہ - جزاک اللہ

 

اللہ تعالٰی آپ کو بھی جزائے خیر عطا کرے آمین