بنے ایسی مری عادت مرے سرکار کی چوکھٹ ۔۔برکت علی جامعی سمستی پور ثم کولکاتہ

بنے ایسی مری عادت مرے سرکار کی چوکھٹ
کروں ہردم تری مدحت مرے سرکار کی چوکھٹ

مداوا غم کے ماروں کا، مسیحا بے سہاروں کا
دل مضطر کی ہے راحت، مرے سرکار کی چوکھٹ

عبادت کی، ریاضت کی، بہار باغ جنت کی
عطا کرتی ہے، ہر لذت، مرے سرکار کی چوکھٹ

کسی کے در پہ کیوں جاؤں، کہیں کیوں ہاتھ پھیلاؤں
مجھے کافی ہے، او حضرت، مرے سرکار کی چوکھٹ

ادب تیرا سکھاتی ہے، خصوصا، اہل ایماں کو
کلام پاک کی آیت، مرے سرکار کی چوکھٹ

ابو بکر و عمر نازاں نہ ہوں کیوں اپنی قسمت پر
ملی ان کو تری قربت مرے سرکار کی چوکھٹ

خـدا کے قہر سے اس کو بچا سکتا نہیں کوئی
پڑے جس پر تری لعنت، مرے سرکار کی چوکھٹ

شفاعت کا اسے مژدہ ملا سرکار سے برکت
جو دیکھ آیا ہے خوش قسمت، مرے سرکار کی چوکھٹ
------
برکت علی جامعی سمستی پور ثم کولکاتہ
بزم اردو اساتذہ کا 65/واں مشاعرہ برائے نعتﷺ
مورخہ۲۵/صفر المظفر ۱۴۴۱
مطابق25/اکتوبر 2019​

 

بنے ایسی مری عادت مرے سرکار کی چوکھٹ
کروں ہردم تری مدحت مرے سرکار کی چوکھٹ
​

 

مداوا غم کے ماروں کا، مسیحا بے سہاروں کا
دل مضطر کی ہے راحت، مرے سرکار کی چوکھٹ
​

 

عبادت کی، ریاضت کی، بہار باغ جنت کی
عطا کرتی ہے، ہر لذت، مرے سرکار کی چوکھٹ
​

 

کسی کے در پہ کیوں جاؤں، کہیں کیوں ہاتھ پھیلاؤں
مجھے کافی ہے، او حضرت، مرے سرکار کی چوکھٹ​

 

ابو بکر و عمر نازاں نہ ہوں کیوں اپنی قسمت پر
ملی ان کو تری قربت مرے سرکار کی چوکھٹ​

 

شفاعت کا اسے مژدہ ملا سرکار سے برکت
جو دیکھ آیا ہے خوش قسمت، مرے سرکار کی چوکھٹ​

 

سبحان اللہ جزاک اللہ

​

 

اللہ تعالٰی آپ کو بھی جزائے خیر عطا کرے آمین

​