بنا بنا کے بہانے خدا کی حمد کرو ۔ بلال رشید

بنا بنا کے بہانے خدا کی حمد کرو
نبی کا حکم ہے پیارے خدا کی حمد کرو
زکوتہ جب بھی ادا تم کرو غریبوں میں
تو اس کے بعد ادب سے خدا کی حمد کرو
نماز وقت پہ پڑھنا جو ہو نصیب تمہیں
تو دونوں ہاتھ اٹھا کے خدا کی حمد کرو
ملے جو حج کی سعادت تمہیں مقدر سے
حرم پہ آنکھ جمائے خدا کی حمد کرو
ہو قتل راہ خدا میں اگر عزیز کوئی
خبر یہ سب کو سنا کے خدا کی حمد کرو
ہیں کیسے کیسے مناظر جہاں میں فطرت کے
جو دیکھو تم یہ نظارے خدا کی حمد کرو
جو اس کے خوف سے آنسو تمہیں کبھی آئیں
تو اطمینان سے رو کے خدا کی حمد کرو
بلال ہے مرے اسلاف کی یہی سنت
جو آئیں لاکھ بھی صدمے خدا کی حمد کرو
----
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین