ذرائع کے مطابق مولانا فضل الرحمان نے کہا ہے کہ انتخابی نتائج تسلیم نہیں کرتے، ہمارے استعمال شدہ ووٹ کھیتوں، نالوں اور گٹروں سے مل رہے ہیں، جن سیٹوں پر رات میں جیت رہے تھے صبح وہاں ہارنے کا اعلان سنا۔ انہوں نے یہ بات اسلام آباد میں امریکی سفیر رچرڈ اولسن سے ملاقات کے بعد میڈیا سے گفتگو میں کہی۔ اس سے پہلے امریکی سفیر رچرڈ اولسن نے اسلام آباد میں جمعیت علما اسلام (ف) کے سربراہ مولانا فضل الرحمان سے ملاقات کی اور انہیں انتخابات میں کامیابی پر مبارک باد دی، رچرڈ اولسن نے کہا کہ امریکہ پاکستان میں جمہوریت کا استحکام چاہتا ہے، ملاقات کے دوران خیبر پختونخوا حکومت اور قبائلی علاقوں کی صورتحال پر بات چیت کی گئی۔ امریکی سفیر کا کہنا تھا کہ امریکہ پاکستان میں حکومت سازی کے عمل میں غیر جانبدار رہے گا۔ بشکریہ نوائے ملت نیٹ فورم
یہ لفظ ؛غیر جانبدار ؛امریکہ کے لئے کہنا بہت آسان ہے ۔لیکن کرتا وہ اس کے برعکس ہے۔باقی ملکوں کے سفیر بھی پاکستان میں ہیں وہ مبارک باد نہیں بانٹتے پھرتے تو یہ ایسا کیوں کرتا ہے،اوپر سے مبارک باد ہوتی ہے لیکن اندر کچھ اور ہی بات ہوتی ہے۔دوسرے ملکوں میں امریکی سفیر وں کو اس طرح کرتے دھرتے کوئی نہیں بننے دیتا جس طرح وہ پاکستان میں ریمن ڈیوز بنے پھرتے ہیں
