بزمِ ہستی کا روزی رساں ہے خدا ۔بلال رشید

بزمِ ہستی کا روزی رساں ہے خدا
سب پہ ہی ایک سا مہرباں ہے خدا
انکی آنکھیں حقیقت میں بے نور ہیں
پوچھتے ہیں جو ہم سے کہاں ہے خدا
نظم۔کونین ہے اس کے زیر۔نگیں
سب رعایا ہیں اور حکمراں ہے خدا
قلب۔مومن میں بستا ہے خود آ کے وہ
اپنی ہستی میں گو لامکاں ہے خدا
عیب میرے جو کرتا نہیں آشکار
ایک ہی میرا وہ رازداں ہے خدا
حالِ دل سب کا یوں بھی ہے اس پر عیاں
کیوں کہ خلاقِ کون و مکاں ہے خدا
جلوے ہیں چار سُو اس کے ہی دہر میں
ذات میں اپنی پر بےنشاں ہے خدا
صدقِ دل سے بلال اس کا واصف ہوں میں
رات دن میرا اک ہی بیاں ہے خدا
-----
بلال رشید

​

 

اللہ تعالیٰ آپ کو بھی جزائے خیر عطا کرے آمین

 

سبحان اللہ- جزاک اللہ

 

اللہ تعالیٰ آپ کو بھی جزائے خیر عطا کرے آمین