بریلی شہر میں اِک ایسا خانوادہ ہے ۔ عبداللہ خان علیمی آبرو

بریلی شہر میں اِک ایسا خانوادہ ہے
جہاں پہ عشقِ نبوت کا ملتا بادہ ہے

وہ جِنکے در سے زمانےکو بھیک ملتی ہے
وہ جِنکا دستِ کرم آج بھی کشادہ ہے

وہ جِنکےہاتھ مِیں کنجی ہےکل خزانوں کی
اُنھیں کے روضہ پہ سر میرا بھی نہادہ ہے

کہاں میں دیکھناچاہوں گا حسنِ جنت کو
نبی کے شہر پُر انوار کا ارادہ ہے

جہاں بھی چاہو مجھے لے چلو مگر پہلے
گلے میں دیکھ لو کِس کا پڑا قلادہ ہے

جُھکارہاہوں جَبیں کومَیں اُنکی چوکھٹ پر
بَتا اے موت تِرا آج کیا ارادہ ہے

کبھی تو آپ بھی آئیں بکھیرنے جلوہ
ابھی بھی دل کا ورق آبرو کے سادہ ہے

عبداللہ خان علیمی آبرو.......بلرام پوری​

 

اللہ تعالیٰ آپ کو بھی جزائے خیر عطا کرے آمین