برگشتہء یزداں سے کچھ بھول ہوئی ہے - ساغر صدیقی

غزل
(ساغر صدیقی)

برگشتہء یزداں سے کچھ بھول ہوئی ہے
بھٹکے ہوئے انساں سے کچھ بھول ہوئی ہے

تاحّد نظر شعلے ہی شعلے ہیں چمن میں
پھولوں کے نگہباں سے کچھ بھول ہوئی ہے

جس عہد میں لٹ جائے فقیروں کی کمائی
اس عہد کے سلطاں سے کچھ بھول ہوئی ہے

ہنستے ہیں مری صورت مفتوں پہ شگوفے
میرے دل ناداں سے کچھ بھول ہوئی ہے

حوروں کی طلب اور مئے و ساغر سے ہے نفرت
زاہد! ترے عرفاں سے کچھ بھول ہوئی ہے​

 

جواب: برگشتہء یزداں سے کچھ بھول ہوئی ہے - ساغر صدیقی

خوب مبارز جی اچھا کلام شئیر کیا ھے