بخشا سکوں حضور (ص) کے فیضان عام نے

بخشا سکوں حضور (ص) کے فیضان عام نے

بخشا سکوں حضور (ص) کے فیضان عام نے
دیکھا سحر کا نور زمانے کی شام نے

پیرایۂ حیات ہے سرمایہ نجات
پیغام جو دیا ہے رسول (ص) انام نے

یوں دیکھتے ہیں روضہ اطہر کو اہل دل
گویا جناب سرور (ص) عالم ہوں سامنے

شایانِ بارگاہ پیمبر (ص) نہ تھی فغان
آنسو بنا دیا ہے اسے احترام نے

تمہید التفات بنی لغزش قدم
آیا جب اُن کا دستِ کرم مجھ کو تھامنے

محبوب (ص) کبریا کی حیات جمیل سے
پایا ہے افتخار بقائے دوام نے

سرکار (ص) کی نگاہ کرم ہے فقیر پر
سرکار کی ثنا جو لکھی ہے غلام نے​

 

بہت خوب!

 

یہ پوچھ اہلِ نظر سے کہ جالیوں کے قریب
دل و نگاہ سے طوافِ حضور ہوتا ہے