بجلی تقسیم کا کوئی ریکارڈ نہیں ‘ فارمولے پر نظرثانی کی ضرورت ہے: اٹارنی جنرل

بجلی تقسیم کا کوئی ریکارڈ نہیں ‘ فارمولے پر نظرثانی کی ضرورت ہے: اٹارنی جنرل‘ سپریم کورٹ میں حکومتی موقف داخل کرا د​

​

اسلام آباد (آن لائن) اٹارنی جنرل منیر اے ملک نے لوڈشیڈنگ کے بارے میں حکومتی موقف سپریم کورٹ میں جمع کرواتے ہوئے کہا ہے کہ بجلی کی تقسیم کے فارمولے پر نظرثانی کی ضرورت ہے‘ بجلی تقسیم کار کمپنیاں تقسیم کرتی ہیں جس کا کوئی ریکارڈ نہیں ہے جبکہ وزارت پانی و بجلی لوڈشیڈنگ کے حوالے سے پلان طے کرتی ہے‘ اس وقت بجلی کی پیداوار 10483 میگاواٹ ہے جبکہ شارٹ فال 6728 میگاواٹ ہے۔ منگل کو جمع کروائے گئے جواب میں مزید کہا گیا کہ بجلی کی تقسیم اور دیگر حوالوں سے وزارت پانی و بجلی اور اپٹما کے اعداد و شمار میں تضاد ہے۔ بجلی کی مساوی تقسیم کے حوالے سے متفقہ فارمولے پر اتفاق رائے نہیں ہو سکا ہے جس کی وجہ سے لوڈشیڈنگ بڑھ رہی ہے۔ جواب میں مزید بتایا گیا کہ بجلی پیدا کرکے این ٹی ڈی سی میں جمع کی جاتی ہے اور پھر وہاں سے یہ بجلی تقسیم کار کمپنیوں میں تقسیم ہوتی ہے۔ یہ اور بات ہے کہ تقسیم کار کمپنیوں کی تقسیم کے حوالے سے کوئی ریکارڈ موجود نہیں۔ سیمنٹ کی صنعت سمیت تمام صنعتوں کو بجلی فراہم کی جا رہی ہے۔ نئی حکومت کی کوشش ہے کہ بجلی کی لوڈشیڈنگ کا جلداز جلد خاتمہ کیا جائے۔ اس حوالے سے تمام تر اقدامات بروئے کار لائے جارہے ہیں۔​