بالا مرے ادراک سے ہے شانِ محمدﷺ ۔۔ عباس عدیمؔ قریشی

صلی اللہ علیہ وآلہ وسلم
بالا مرے ادراک سے ہے شانِ محمدﷺ
صد شکر کہ ہوں پھر بھی سخن دانِ محمدﷺ

کچھ مری حقیقت نہیں ، اتنا تو مگر ہے
ہوں میں بھی بہر حال ثناء خوانِ محمدﷺ

پاوں میں ہے لغزش نہ ہی لرزیدہ بدن ہیں
جاتے ہیں سرِ حشر ، غلامانِ محمدﷺ

کیوں نارِ جہنّم سے ہمیں خوف ہو لوگو !
" اُمید کے ہاتھوں میں ہے دامانِ محمدﷺ

کون اُن کے درِ فیض سے محروم ہے لوٹا ؟
کس شخص پہ برسا نہیں ؟ بارانِ محمدﷺ

اس آنکھ کو کب خلد کی خواہش ہوئی رضواں
جس آنکھ نے دیکھا ہے گلستانِ محمد ﷺ

حسرت ہے عدیمؔ اس دلِ بیتاب میں ہر دم
پہنچوں میں سرِ محفل رندانِ ، محمد ﷺ
------​

عباس عدیمؔ قریشی
مجموعہ نعتﷺ " اغثنی "​

 

اللہ تعالیٰ آپ کو بھی جزائے خیر عطا کرے آمین

 

کچھ مری حقیقت نہیں ، اتنا تو مگر ہے
ہوں میں بھی بہر حال ثناء خوانِ محمدﷺ​

 

کیوں نارِ جہنّم سے ہمیں خوف ہو لوگو !
" اُمید کے ہاتھوں میں ہے دامانِ محمدﷺ​

 

سبحان اللہ - جزاک اللہ

 

اللہ تعالیٰ آپ کو بھی جزائے خیر عطا کرے آمین

 

اللہ تعالیٰ آپ کو بھی جزائے خیر عطا کرےآمین