باغ حضرت سلمان فارسی رضی اللہ عنہ

حضرت سلمان فارسی رضی اللہ عنہ ایران کے شہر اصفہان کے ایک گاؤں روزبہ میں پیدا ہوئے۔ آپ رضی اللہ عنہ کے والد کا تعلق زرتشتی مذ ہب سے تھا۔ مگر حضرت سلمان فارسی رضی اللہ عنہ کا دل سچ کی تلاش میں تھا۔ پہلے آپرضی اللہ عنہ نے عیسائیت اختیار کی اور حق کی تلاش جاری رکھی۔ ایک عیسائی راہب نے انہیں بتانا کہ ایک سچے نبی (صلی اللہ علیہ وسلم )کی آمد قریب ہے جس کی پیشینگوئی پرانی مذہبی کتابوں میں موجود ہے۔ اس باعلم راہب نے نبی(صلی اللہ علیہ وسلم )کا حلیہ مبارک اور مدینہ شریف کے بارے میں بھی بتایا جو اس وقت یثرب کہلاتا تھا ۔ یہ جاننے کے بعد حضرت سلمان فارسی رضی اللہ عنہ نے مدینہ شریف جانے کی کوشش شروع کر دی۔ مدینہ شریف کے راستے میں ان کو ایک عرب بدوی گروہ نے دھوکے سے ایک یہودی کے ہاتھ غلام کے طور پر بیچ دیا۔ یہ یہودی مدینہ شریف میں رہتا تھا چنانچہ حضرت سلمان فارسی رضی اللہ عنہ مدینہ شریف پہنچ گئے اور اس یہودی کے باغ میں سخت محنت پر مجبور ہو گئے۔ کچھ عرصے کے بعد انہوں نے سنا کہ سرکار دوعالم صلی اللہ علیہ وسلم مکہ شریف سے ہجرت کر کے مدینہ شریف تشریف لے آئے ہیں۔ حضرت سلمان فارسی رضی اللہ عنہ نے ان کی خصوصیات سے فوراً پہچان لیاکہ یہی اللہ کے سچے نبی (صلی اللہ علیہ وسلم )ہیں۔ انہوں نے مہر نبوت بھی ملاحظہ کی۔ اس وقت انہوں نے اسلام قبول کر لیا۔ ان کو غلامی سے آزادی دلانے کے لئے رسول اللہ صلی اللہ علیہ و آلہ وسلم نے خود اپنے ہاتھ مبارک سے کھجور کے درخت بوئے جس کا مقصد یہودی کی شرط پوری کرنا تھا۔
ان کھجور کے درختوں کے پھل میں سرکار دوعالم صلی اللہ علیہ کے دست مبارک کا ذائقہ یقینی طور پر شامل ہے ۔

 

عجوہ کھجور اپنے ذائقے او رمعیار میں بے مثل ہے
اسقدر معلوماتی لڑی کھولنے پر مبارک باد
سلامت رہیں

 

جزاک اللہ جناب۔۔خیر مبارک ۔۔بہت بہت شکریہ